Gamit ng Wika

• REGULATORYO


  Ang rigulatoryong bisa ng wika ay nagtatakda, nagkokontrol, gumagabay, nagbibigay-direksiyon. Halimbawa: • PASALITA – panuto, direksiyon, paalala • PASULAT – recipe
• INTERAKSIYONAL


  Tungkulin nitong tulungan ang tagapagsalita na makipag-ugnayan at bumuo ng sosyal na relasyon sa ating pamilya, kaibigan, o kakilala. Dito rin papasok ang salitang: Walang sinuman ang nabubuhay para sa sarili lamang (dahil ang interaksiyonal ay pakikipag-usap sa isa o higit pang tao o interpersonal na komunikasyon). Halimbawa: • PASALITA – pormularyong panlipunan, pangungumusta, pagbibiro • PASULAT – liham-pangkaibigan
• PERSONAL


  Pagpapahayag ng sariling opinyon, pananaw o kuro-kuro. Dito rin makikita ang gamit ng wika bilang lunsaran sa pagsulat ng mga malikhaing sanaysay (ang sanaysay umano ayon kay Alejandro G. Abadilla ay “nakasulat na karanasan ng isang sanay sa pagsasalaysay”) sanaysay gaya ng biograpiya, awtobiograpiya, alaala, blog, at personal na sanaysay. Halimbawa: • PASALITA – pormal o di-pormal na talakayan • PASULAT – editoryal, liham sa patnugot, talaarawan, o dyornal
• IMAHINATIBO


  Ginagamit ang wika sa paglikha, pagtuklas, at pag-aliw. Imahinatibo ang gamit ng wika kapag ginagamit ito sa pagpapahayag sa malikhaing pamamaraan.

  Halimbawa: • PASALITA – pagsasalaysay, paglalarawan

  • PASULAT – anumang akdang pampanitikan
• HEURISTIKO


  Ang gamit na ito ay tumutukoy sa pagkuha o paghahanap ng impormasyon na may kinalaman sa paksang pinag-aaralan (akademik at/o propesyunal).

  Halimbawa: • PASALITA– pagtatanong, pakikipanayam, pagbasa ng

  pahayagan at mga aklat, pakikinig sa radyo, panonood sa

  telebisyon

  • PASULAT – pananaliksik, sarbey
• IMPORMATIBO


  Kabaligtaran ito ng heuristiko. Ito naman ay may kinalaman sa pagbibigay ng impormasyon sa paraang pasulat at pasalita. Halimbawa: • Pagbibigay-ulat, panayam, pagtuturo