Mga Batayang Kaalaman sa Wika

• Wika - Ito ang kabuuan ng mga sagisag na binubuo ng mga tunog na binibigkas o sinasalita at ng mga simbolong sinusulat.
• Ang wika at kultura ay hindi mapaghihiwalay dahil hindi maipapasa ang tradisyon o kultura kung walang wika.
• Mga Kahalagahan ng Wika

  1. Nakatutulong sa pagpapanatili, pagpapayabong, at pagpapalaganap ng kultura ng bawat grupo ng tao.

  2. Ito ang nagsisilbing tagapag- ingat at tagapaglaganap ng mga karunungan at kaalaman.

  3. Ang pagkakaroon ng wika ay nagreresulta sa isang maunlad at masiglang sangkatauhan na bukas sa pakikipagkasunduan sa isa't isa.
• Lingua Franca - Ang wikang ginagamit sa komunikasyon ng dalawang taong may magkaibang wika.
• Filipino - Ito ang itinuturing na lingua franca sa Pilipinas.
• Ingles - Ito ang itinuturing na lingua franca ng daigdig.
• Mga Kalikasan ng Wika

  1. Ang wika ay may sistemang balangkas.
  2. Ang wika ay arbitraryo.
  3. Ginagamit ang wika ng pangkat ng mga taong kabilang sa isang kultura.
  4. Natatangi ang wika.
  5. Kasama rin sa mga katangian ng wika ang pagiging buhay o dinamiko nito.
• arbitaryo - malaya, kaswal, madaling intindihin
• Bilingguwalismo -Ito ay tumutukoy sa pagiging maalam sa dalawang wika.
• Multilinggualismo - Ito ay tumutukoy sa pantay na kahusayan sa paggamit ng maraming wika ng isang tao o ng grupo ng tao.
• Unang Wika - Tinatawag ding "wikang sinuso sa ina" o "inang wika" dahil ito ang kauna-unahang wikang natutuhan salitain at unawain ng isang bata.
• Ikalawang wika - Itituturing ito bilang "wikang hindi taal" o hindi katutubo sa isang tao.
• Wikang Pambansa - Sa unang bahagi ng Artikulo XIV, Seksyon 6 ng Konstitusyon ng 1987, nakasaan na, "Ang wikang pambansa ng Pilipinas ay Filipino.
• Wikang Panturo - Sa ikalawang bahagi ng Artikulo XIV, Seksyon 6 ng Konstitusyon ng 1987, "...ang paggamit ng Filipino bilang midyum ng opisyal na komunikasyon at bilang wika ng pagtuturo sa sistemang pang-edukasyon."
• Opisyal na wika - Tinatawag na opisyal na wika ang isang wika na binigyan ng natatanging pagkilala sa konstitusyon bilang wikang gagamitin sa mga opisyal na transaksyon ng pamahalaan.
• Homogenous na Wika - Kung ang taong gumagamit nito ay may iisang bigkas sa mga salita, pare-pareho ang tono at intonasyon sa pagsasalita, at iisa ang pagpapakahulugan sa mga salitang ginagamit.
• Heterogenous na Wika - Kung ang wika ay may varayti at pagkakaiba-iba ang bawat wika.