DIGNIDAD

• Ano ang kahulugan ng dignidad ayon sa Ancient Stoic Tradition?

  Ang dignidad ay nagbibigay pakahulugan na ang tao ang pinakamahalagang nilalang.
• Paano nakabatay ang dignidad ng tao sa Western Philosophy?

  Ang dignidad ng tao ay nababatay sa kanyang nagawa sa buhay, bilang pagpapahalaga na naaayon sa damdamin.
• Ano ang pinagmulan ng dignidad ayon sa relihiyon?

  Ang dignidad ng tao ay nag-uugat sa pagkakalikha sa kanya na kalarawan at kawangis ng Diyos.
• Ano ang ibig sabihin ng salitang 'dignitas' sa Latin?

  Ang 'dignitas' ay nangangahulugan ng likas at hindi na kailangang paghirapang halaga ng tao.
• Ano ang sinasabi tungkol sa dignidad ng bawat nilalang?

  Bawat isang nilalang ay may taglay na dignidad anuman ang pisikal na kaanyuan, mental na kakayahan, materyal na kayamanan, antas ng pinag-aralan o pangkat na kinabibilangan.
• Ano ang epekto ng dignidad sa karapatan ng tao?

  Dahil sa dignidad, lahat ay nagkakaroon ng karapatan na umunlad sa paraang hindi nakakasakit o nakasasama sa ibang tao.
• Ano ang sinasabi tungkol sa paggalang at pakikipagpatiran sa mata ng Diyos?

  Nangingibabaw ang paggalang at pakikipagpatiran, dahil sa mata ng Diyos, pantay-pantay ang lahat.
• Ano ang mga prinsipyo ng pantay na pagkilala sa dignidad ng kapwa?

  1. Mahalin mo ang iyong kapwa katulad ng pagmamahal mo sa iyong sarili.
  2. Huwag mong gawin sa iba ang ayaw mong gawin ng iba sa iyo.
• Ano ang mensahe ng Roma 12:2 tungkol sa pagiging iba at tanging tao?


  Hwag kayong umaayon sa takbo ng mundong ito at maging iba at tangi kayo sa lahat ng gawain at pag-iisip upang mabatid ninyo ang kalooban ng Diyos.
• Ano ang sinasabi ng Roma 12:9-10 tungkol sa pagmamahal sa kapwa?

  Hwag magkunwari na mahal ninyo ang inyong kapwa, mahalin sila ng tapat at pahalagahan ninyo ang iba nang higit sa pagpapahalaga nila sa inyo.
• Ano ang mensahe ng Roma 12:17-18 tungkol sa pakikitungo sa iba?

  Sikapin inyong mamuhay ng marangal sa lahat ng panahon at makisama kayong mabuti sa lahat ng tao.
• Ano ang sinasabi ng Roma 12 tungkol sa pakikitungo sa masama?

  Huwag kayong padaig sa masama bagkus daigin mo ang masama sa pamamagitan ng kabutihan.
• Ano ang sinasabi ng Roma 13:12 tungkol sa mga gawaing masama?

  Layuan na natin ang lahat ng gawaing masama at italaga ang sarili sa paggawa ng mabuti.
• Ano ang dalawang katotohanan kung bakit ang tao ay natatangi o pambihira?

  1. Unrepeatable - Lisa lamang ang buhay ng tao at minsan lamang ipapanganak sa mundo.
  2. Irreplaceable - Hindi maaaring magawang palitan kung sino tayo at maging ang buhay natin.
• Ano ang pagkakaiba ng reputasyon sa dignidad?

  Ang reputasyon ay nakabatay sa kalagayan mo bilang tao ayon sa pagtingin ng iba, habang ang dignidad ay hindi maaring mapataas o mapababa dahil sa aksiyon o kilos.
• Ano ang mga katangian ng dignidad?

  Ang dignidad ay hindi maaring mapataas o mapababa dahilan lamang sa aksiyon o kilos, kasarian, lahing pinagmulan, relihiyon, edukasyon o kalagayan sa buhay.
• Ano ang mga paraan upang maipakita ang pagpapahalaga sa dignidad sa sarili at kapwa?

  1. Ipakita ang respeto sa iba.
  2. Maging magalang sa pananalita.
  3. Igalang ang pananaw ng iba.
  4. Magtiwala upang pagkatiwalaan.
  5. Magpaabot ng tulong o suporta.
  6. Mag-isip muna bago magpasya at kumilos.
  7. Tingnan ang kapuwa bilang kapantay.
  8. Maging sensitibo sa nararamdaman ng iba.
  9. Mahalin ang sarili at kapuwa.