KONSENSYA

• Ano ang pamagat ng aralin sa edukasyon sa pagpapakatao na ito?

  Paghubog ng Konsensya tungo sa Angkop na Kilos
• Ano ang Likas na Batas Moral?


  Ito ay naaayon sa Sampung Utos ng Diyos na nahahati sa dalawang katuruan.
• Ano ang dalawang katuruan ng Likas na Batas Moral?

  1. Mahalin mo ang Diyos higit kanino man o anumang bagay.
  2. Mahalin ang kapwa tulad ng pagmamahal sa sarili.
• Ano ang dalawang prinsipyo na sinusunod ng tao sa pagpapatupad ng kaayusan ng lipunan?

  Gawin ang mabuti at iwasan ang masama; pangangalaga sa buhay at pagiging responsable.
• Ano ang apat na katangian ng Likas na Batas Moral?

  1. Obhektibo
  2. Pangkalahatan (Universal)
  3. Walang hanggan (Eternal)
  4. Hindi Nagbabago (Immutable)
• Ano ang ibig sabihin ng obhektibo sa konteksto ng Likas na Batas Moral?

  Ito ay nakabatay sa katotohanan na ang batas ay nagmula sa Diyos.
• Ano ang ibig sabihin ng pangkalahatan (universal) sa Likas na Batas Moral?

  Ito ay sumasaklaw sa lahat ng tao, lahi, at kultura sa lahat ng pagkakataon.
• Ano ang ibig sabihin ng walang hanggan (eternal) sa Likas na Batas Moral?

  Ito ay umiiral at mananatiling umiiral dahil ito ay permanente.
• Ano ang ibig sabihin ng hindi nagbabago (immutable) sa Likas na Batas Moral?


  Ito ay hindi nawawala hangga't ang tao ay tao, kahit na may pagkakaiba-iba ng kultura.
• Ano ang konsensya?

  Ito ay ang munting tinig sa loob ng tao na nagbibigay ng payo at nag-uutos sa kanya sa moral na pagpapasya.
• Ano ang kahulugan ng kamangmangan?

  Ito ay kawalan ng kaalaman sa isang bagay.
• Ano ang dalawang uri ng kamangmangan na mahalagang maunawaan?

  1. Kamangmangan Madaraig (Vincible Ignorance)
  2. Kamangmangan na Di Madaraig (Invincible Ignorance)
• Ano ang kamangmangan madaraig?

  Ito ay kung mayroong pamamaraan na magagawa ang isang tao upang malampasan ito.
• Ano ang kamangmangan na di madaraig?

  Ito ay kung walang pamamaraan na magagawa ang isang tao upang ito ay malampasan.
• Ano ang mga uri ng konsensya ayon kay Agapay?

  1. Tama o Totoong Konsensya (Correct or True Conscience)
  2. Mali o Hindi Totoong Konsensya (Erroneous or False Conscience)
  3. Konsensya Sigurado (Certain Conscience)
  4. Konsensya Hindi Sigurado (Doubtful Conscience)
  5. Konsensya Metikuloso (Scrupulous Conscience)
  6. Konsensya Insensitibo (Lax Conscience)
• Ano ang tama o totoong konsensya?

  Ito ay humuhusga sa mabuti at masama.
• Ano ang mali o hindi totoong konsensya?

  Ito ay humuhusga na ang mabuti ay masama at ang masama ay mabuti.
• Ano ang konsensya sigurado?

  Ito ay base lamang sa sariling paniniwala.
• Ano ang konsensya hindi sigurado?

  Ito ay kalituhan sa pagpapasya kaya hindi kaagad makakilos.
• Ano ang konsensya metikuloso?

  Ito ay sobrang takot makagawa ng masama kaya hindi na lang kumikilos.
• Ano ang konsensya insensitibo?

  Ito ay kawalan ng pakialam alamin ang mabuti at masama.
• Ano ang mga paraan upang mahubog ang ating konsensya ayon kay Esteban?


  1. Pagpapatalas ng kaisipan at pagsusuri ng tamang katwiran.
  2. Pagtanggap sa katotohanan ng buhay at pagtuklas sa tunay na layunin ng mga karanasan.
  3. Sisikaping gumawa ng kabutihan at umiwas sa masama.
  4. Sanayin at patatagin ang emosyon.
  5. Pumili ng mga taong makatutulong sa iyong mabuting katangian.
  6. Panatilihin ang pananalig sa Diyos.
• Ano ang mga yugto sa pagkilala sa paghuhusga ng tama o mali?

  1. Alamin at naisin ang mabuti.
  2. Kilatisin ang partikular na kabutihan sa isang sitwasyon.
  3. Paghatol para sa mabuting pasya at kilos.
  4. Suriin ang sarili at magnilay.