Panulaang Filipino

• Ano ang kahulugan ng panitikan?

  Nagsasalaysay ng buhay, pamumuhay, lipunan, pamahalaan, pananampalataya, at mga karanasan kaugnay ng damdamin.
• Ano ang mga anyo ng panitikan?

  • Tuluyan o Prosa
  • Panulaan
• Ano ang tuluyan o prosa?

  Ito ay nabubuo sa malayang pagsasama-sama ng mga salita sa mga pangungusap.
• Ano ang mga halimbawa ng tuluyan o prosa?

  • Maikling Kwento
  • Nobela
  • Dula
  • Alamat
  • Pabula
  • Talambuhay
  • Sanaysay
  • Balita
  • Editoryal
• Ano ang panulaan?

  Ito’y nabubuo sa pamamagitan ng pagsasama-samang maanyong salita sa mga taludtud.
• Ano ang mga halimbawa ng panulaan?

  • Tulang liriko o Tulang pandamdamin
  • Tulang pasalaysay
  • Tulang pantanghalan o padula
  • Patnigan (Joustic poetry)
• Ano ang tulang liriko o tulang pandamdamin?

  Ito’y nagtataglay ng mga karanasan, kaisipan, at damdaming maaaring madama ng may-akda o ibang tao.
• Ano ang mga uri ng tulang liriko?

  1. Awit/kanta
  2. Soneto
  3. Oda
  4. Elehiya
  5. Dalit
  6. Pasyon
  7. Pastoral
• Ano ang soneto?

  Nagtataglay ito ng mga aral ng buhay at may 14 na taludtud.
• Ano ang nilalaman ng oda?

  Ito ay pumupuri sa mga pambihirang nagawa ng isang tao o grupo ng mga tao.
• Ano ang elehiya?

  Ito ay tulang may kinalaman sa guniguni tungkol sa kamatayan.
• Ano ang dalit?

  Ito ay tulang nagpaparangal sa dakilang lumikha at may kahalong pilosopiya sa buhay.
• Ano ang pasyon?

  Ito ay aklat na naglalarawan ng pasakit at pagdurusa ni Hesukristo.
• Ano ang pastoral?


  Ito ay naglalarawan ng tunay na buhay sa bukid.
• Ano ang mga uri ng tulang pasalaysay?

  1. Epiko
  2. Awit
  3. Korido
  4. Balad
• Ano ang epiko?


  Ang mga epiko ay nagsasalaysay ng mga kabayanihang halos hindi mapaniwalaan.
• Ano ang awit sa konteksto ng tulang pasalaysay?

  Ang mga awit ay may mga paksang hango sa pangyayaring tungkol sa pakikipagsapalaran.
• Ano ang korido?

  Ito ay may sukat na walong pantig at binibigkas sa kumpas ng martsa.
• Ano ang balad?

  Ito ay may himig na awit at inaawit habang may nagsasayaw.
• Ano ang mga uri ng tulang pantanghalan o padula?

  1. Panubong
  2. Zarzuela
  3. Moro-Moro
  4. Senakulo
  5. Tibag
  6. Panunuluyan
• Ano ang panubong?

  Ito ay mahabang tula ng pagpaparangal o paghahandog sa isang taong nagdaraos ng kaarawan o kapistahan.
• Ano ang zarzuela?

  Ito ay dulang musical na karaniwang binubuo ng tatlong akto tungkol sa pag-ibig, kasakiman, at poot.
• Ano ang moro-moro?

  Ito ay nagpapakita ng hidwaan at labanan ng Kristyano at di-Kristyano.
• Ano ang senakulo?

  Ito ay pagtatanghal tungkol sa paghihirap at kamatayan ni Hesus.
• Ano ang tibag?

  Ito ay ang paghahanap nina Reyna Elena at Constantino sa krus na pinagpakuan ni Hesus.
• Ano ang panunuluyan?

  Ito ay nagpapakita ng paghahanap ng matutuluyan nina Maria at Jose para doon isilang ang sanggol na si Jesus.
• Ano ang mga elemento ng tula?

  1. Sukat
  2. Saknong
  3. Tugma
  4. Talinhaga
  5. Kariktan
  6. Persona
  7. Tono o Indayog
• Ano ang sukat sa tula?

  Ito ay tumutukoy sa bilang ng pantig ng bawat taludtod na bumubuo sa isang saknong.
• Ano ang saknong?

  Ang isang saknong ay isang grupo sa loob ng isang tula na may dalawa o maraming linya o taludtod.
• Ano ang tugma sa tula?

  May tugma ang isang tula kapag ang huling pantig ng huling salitang bawat taludtod ay magkasing-tunog.
• Ano ang talinhaga?

  Ito ay isang sangkap ng tula na may kinalaman sa tinatagong kahulugan ng tula.
• Ano ang kariktan sa tula?

  Kailangang magtaglay ang isang tula ng maririkit na salita upang masiyahan ang mambabasa.
• Ano ang persona sa tula?


  Ang persona ng tula ay tumutukoy sa nagsasalita sa tula.
• Ano ang tono o indayog sa tula?

  Ito ay tumutukoy sa paraan ng pagbigkas ng bawat taludtod ng tula.
• Ano ang mga anyo ng tula?

  1. Malayang taludturan
  2. Tradisyonal
  3. Blanko berso
  4. Walang sukat na may tugma
• Ano ang malayang taludturan?

  Ito ay walang sinusunod na sukat, tugma, o anyo.
• Ano ang tradisyonal na tula?

  Ito ay may sukat, tugma, at mga matalinhagang salita.
• Ano ang blanko berso?

  Ito ay mga tulang may tiyak na bilang ang pantig ngunit ang huling pantig ay hindi magkakasingtunog.
• Ano ang walang sukat na may tugma?

  Ito ay mga tulang walang tiyak na bilang ang pantig ngunit ang huling pantig ay magkakasintunog.
• Ano ang kasaysayan ng panulaang Pilipino sa panahon ng pananakop ng Kastila?

  • Mga unang makatang Tagalog
  • Tomas Pinpin
  • Fernando Bagongbanta
  • Pedro Suarez Osorio
  • Philipe de Jesus