Pokus Ng Pandiwa

• Ano ang kahulugan ng Pokus ng Pandiwa?

  Ang Pokus ng Pandiwa ay ang relasyon ng pandiwa sa paksa o simuno ng pangungusap.
• Ilan ang mga pokus ng pandiwa?

  May pitong pokus ang pandiwa.
• Ano ang mga uri ng pokus ng pandiwa?

  1. Tagaganap
  2. Layon
  3. Kaganapan
  4. Tagatanggap
  5. Sanhi
  6. Gamit
  7. Direksyon
• Ano ang Tagaganap sa pandiwa?

  Ang Aktor-pokus ay kapag ang paksa ng pangungusap ang tagaganap ng kilos na isinasaad sa pandiwa.
• Ano ang mga panlaping ginagamit sa Tagaganap?

  Ang mga panlaping ginagamit ay mag-, um-, mang-, ma-, maka-, makapag-, maki-, o magpa-.
• Ano ang halimbawa ng Tagaganap?

  Maglilinis ng bahay si Camille sa linggo.
• Ano ang Pokus sa Layon?

  Ang Pokus sa Layon ay kapag ang layon ay ang paksa o ang binibigayang-diin sa pangungusap.
• Ano ang mga panlaping ginagamit sa Pokus sa Layon?

  Ang mga panlaping ginagamit ay -in-, -i-, -ipa-, ma-, na-, o -an.
• Ano ang halimbawa ng Pokus sa Layon?

  Lutuin mo ang isda na nasa ref.

• Ano ang Kaganapan Pokus?

  Ang Lokatibong Pokus ay kapag ang paksa ay ang lugar o ganapan ng kilos.

• Ano ang mga panlaping ginagamit sa Kaganapan Pokus?

  Ang mga panlaping ginagamit ay pag-/-an, -an/-han, ma-/-an, pang-/-an, mapag-/-an, pinag/an, o in/an.

• Ano ang halimbawa ng Kaganapan Pokus?

  Pinagdausan ng kasal ang lumang simbahan.

• Ano ang Tagatanggap Pokus?

  Ang Benepaktibong Pokus ay tumutuon sa tao o bagay na nakikinabang sa resulta ng kilos.

• Ano ang mga panlaping ginagamit sa Tagatanggap Pokus?

  Ang mga panlaping ginagamit ay i-, -in, ipang-, o ipag-.

• Ano ang halimbawa ng Tagatanggap Pokus?

  Ipinagdiwang nila ang kanyang kapanganakan.
• Ano ang Gamit Pokus?

  Ang Instrumentong Pokus ay tumutukoy sa kasangkapan o bagay na ginagamit upang maisagawa ang kilos.
• Ano ang mga panlaping ginagamit sa Gamit Pokus?

  Ang mga panlaping ginagamit ay ipang- o maipang-.
• Ano ang halimbawa ng Gamit Pokus?

  Ipinanghampas nya sa mga estudyante ang mahabang stick.
• Ano ang Kosatibong-Sanhi Pokus?

  Ang Kosatibong Pokus ay kapag ang paksa ay nagpapahayag ng dahilan o sanhi ng kilos.
• Ano ang mga panlaping ginagamit sa Sanhi Pokus?

  Ang mga panlaping ginagamit ay i-, ika-, o ikina-.
• Ano ang halimbawa ng Sanhi Pokus?

  Ikinatuwa nya ang magandang regalo ng kanyang kapatid.
• Ano ang Pokus sa Direksyon?

  Ang Pokus sa Direksyon ay kapag ang pandiwa ay tumutukoy sa direksyon o tinutungo ng kilos.
• Ano ang mga panlaping ginagamit sa Pokus sa Direksyon?

  Ang mga panlaping ginagamit ay -an, -han, -in, o -hin.
• Ano ang halimbawa ng Pokus sa Direksyon?

  Pinasyalan namin ang parke.
• Ano ang Kaganapan ng Pandiwa?

  • Relasyon ng pandiwa sa panaguri ng pangungusap
  • May pitong kaganapan ng pandiwa:

  1. Kaganapang tagaganap
  2. Kaganapang layon
  3. Kaganapang tagatanggap
  4. Kaganapang ganapan
  5. Kaganapang kagamitan
  6. Kaganapang direksyunal
  7. Kaganapang sanhi
• Ano ang Kaganapang Tagaganap?

  Ito ang bahagi ng panaguri na gumaganap ng kilos na isinasaad ng pandiwa.
• Ano ang pananda na ginagamit sa Kaganapang Tagaganap?

  Ang pananda na ginagamit dito ay ni o ng.
• Ano ang halimbawa ng Kaganapang Tagaganap?

  Ikinatuwa ng mga Pilipino ang pagkapanalo ni Catriona Gray sa Miss Universe.
• Ano ang Kaganapang Layon?

  Ito ang bahagi ng panaguri na nagsasaad kung ano ang bagay o mga bagay na tinutukoy ng pandiwa.
• Ano ang pananda na ginagamit sa Kaganapang Layon?


  Ang panandang ginagamit dito ay ng.
• Ano ang halimbawa ng Kaganapang Layon?

  Si Juan ay bibili ng iPhone sa mall.
• Ano ang Kaganapang Tagatanggap?

  Bahagi ito ng panaguri na nagpapahayag kung sino ang tumatanggap ng kilos ng pandiwa.
• Ano ang pananda na ginagamit sa Kaganapang Tagatanggap?

  Kalimitan ditong ginagamit ang panandang para sa o para kay.
• Ano ang halimbawa ng Kaganapang Tagatanggap?

  Nagbigay ng donasyon ang GMA para sa mga nasalanta ng malakas na lindol.
• Ano ang Kaganapang Ganapan?

  Bahagi ito ng panaguri na nagsasaad ng lugar o pook na ginaganapan ng kilos ng pandiwa.
• Ano ang pananda na ginagamit sa Kaganapang Ganapan?

  Panandang sa ang ginagamit dito.
• Ano ang halimbawa ng Kaganapang Ganapan?

  Nanonood ng sine si Lara sa mall.
• Ano ang Kaganapang Kagamitan?

  Nagsasaad ang bahaging ito ng panaguri ng bagay o instrumentong ginagamit upang maisagawa ang kilos ng pandiwa.
• Ano ang pananda na ginagamit sa Kaganapang Kagamitan?

  Ginagamitan ito ng panandang sa pamamagitan ng.
• Ano ang halimbawa ng Kaganapang Kagamitan?

  Nilinis niya ang mga kalat sa pamamagitan ng walis at pandakot.