M6

• Globalisasyon ng migrasyon - Tumataas ang bilang ng mga bansang nakaranas at naapektuhan ng migrasyon.
• Mabilis na paglaki ng migrasyon - Ang kapal o dami ng mga nandarayuhan ay patuloy ang pagtaas sa iba't ibang rehiyon ng daigdig.
• Labour migration - Tumutukoy sa mga malawakan na paglilipat ng manggagawa upang magtrabaho sa ibang bansa halimbawa nito OFW.
• Irregular migrants - Tumutukoy sa mga mamamayan na nagtungo sa ibang bansa na hindi dokumentado, walang permit para magtrabaho at sinasabing overstaying sa bansang pinuntahan.
• Temporary migrants - Ang tawag sa mga mamamayan na nagtungo sa ibang bansa na may kaukulang permiso at papeles upang magtrabaho at manirahan nang may takdang panahon.
• Permanent migrants - Mga overseas Filipinos na ang layunin sa pagtungo sa ibang bansa ay hindi lamang trabaho kundi ang permanenteng paninirahan sa piniling bansa kaya naman kalakip dito ang pagpapalit ng pagkamamamayan o citizenship.
• Pagturing sa migrasyon bilang isyung politikal - Ang usaping pambansa, pakikipag-ugnayang bilateral at rehiyunal at maging ang polisiya tungkol sa pambansang seguridad ay naaapektuhan ng isyu ng migrasyon.
• Paglaganap ng migration transition - Ang migration transition ay nagaganap kapag ang nakasanayang bansang pinagmumulan ng mga nandarayuhan ay nagiging destinasyon na rin ng mga manggagawa at refugees mula sa iba't ibang bansa.
• Refugee migration - paglipat ng mga tao mula sa isang lugar patungo sa isa pang lugar upang masiguro ang kanilang proteksyon at seguridad maaaring dahil sa digmaan o kalamidad.
• Peminisasyon ng migrasyon - Nang sumapit ang 1960, naging kritikal ang ginampanan ng kababaihan sa labour migration
• Philippine Overseas Employment Administration (POEA) - siguraduhin ang benepisyo at karapatan ng mga OFW at subaybayan ang lahat ng recruitment agency sa Pilipinas.
• Overseas Workers Welfare Administration (OWWA) - nagbibigay proteksyon at itinataguyod kapakanan ng mga OFW pati na ang kanilang pamilya.
• Department of Foreign Affairs (DFA) - pagpapabuti ng relasyon ng Pilipinas sa iba't-ibang bansa at pagpapatibay ng diplomatikong programa at proyekto upang pangalagaan ang kapakanan ng mga Pilipino sa ibang bansa.
• Absentee Voting Act of 2003 - pagbibigay karapatan sa mga OFW na makaboto.
• Migrant Workers Act of 1995 o RA 8042 - ito ay ang batas na nagbibigay proteksyon at promosyon sa kapakanan ng mga migrant workers at sa kanilang pamilya