Gamit ng Wika

• INSTRUMENTAL

  Tumutugon sa pangangailangan ng tao gaya ng pakikipag-ugnayan sa iba.
• REGULATORYO

  Ito ang tungkulin ng wika na tumutukoy sa pagkontrol ng ugali at asal ng ibang tao. Pagbibigay ng direksyon gaya ng pagtuturo ng tamang lokasyon sa isang partikular na lugar,mga hakbang sa pagluluto, pagsagot ng pagsusulit at iba pang may direksyon sa paggawa ng isang bagay ay mga halimbawa ng tungkuling regulatoryo.
• INTERAKSYONAL

  Nakikita ito sa pakikipag-ugnayan ng tao sa kanyang kapwa, pakikipagbiruan, pakikipagpalitan ng kuro-kuro tungkol sa partikular na isyu, pagkukuwento ng malungkot o masasayang pangyayari sa isang kaibigan o kapalagayang loob, at iba pa.
• PERSONAL

  Saklaw ng tungkuling ito ang pagpapahayag ng sariling opinyon o kuro-kuro sa paksang pinag-uusapan. Kasama rin dito ang pagsulat ng talaarawan at journal, at ang pagpapahayag ng pagpapahalaga sa anumang anyo ng panitikan.
• HEURISTIKO

  Ginagamit ito sa pagkuha o paghahanap ng impormasyong may kinalaman sa paksang pinag-aaralan.
• IMPORMATIBO

  Kung ang heuristiko ay pagkuha o paghanap ng impormasyon, ito naman ay may kinalaman sa pagbibigay ng impormasyon sa paraang pasulat at pasalita.