Kahariang Kush

• Ang Kush ay matandang kaharian sa Hilagang-Silangang Aprika, at sa timog ng Ehipto.
• Ang Kush ay nasa gitna ng Ehipto at Sudan.
• Sumibol ang Kush sa rehiyong Nubia.
• Ang “Nubia” ay mula sa salitang Ehipto na “nebew” na ang ibig sabihin ay “ginto”.
• Ang mga Kushites ay dating nasa ilalim ng kapangyarihan ng Ehipto.
• Nang nagsimula na humina ang Ehipto, nagdeklara ang mga Kushites ng kanilang kasarinlan at sinimulan nilang sakupin ang mga lupain noong 800-750 BKP.
• Pagdating ng 730 BKP, nalukob ng mga Kushites ang Ehipto at ang namuno ang hari ng mga Kushite bilang bagong paraon.
• Aktibo sa pagsasaka at kalakalan ang mga Kushite.
• Mahirap magtanim noon dahil ang tubig na pinapadaloy sa mga taniman ay mula pa sa Ilog Nile na mga 90 kilometro ang layo.
• Nagtanim ang mga Kushite ng mga trigo, barley, millet, at bulak.
• Nagalaga din sila ng mga hayop gaya ng kambing at tupa.
• Ang ginamit na wika ng matandang Kush ay tinawag na Meroitic.
• Sila ay gumawa ng mga asarol, sibat, kutsilyo, at iba pang kasangkapan at kagamitan.
• Maraming gawa ng bakal ang ipinagpalit nila sa mga produktong mula India, Arabia, at Tsina.
• Sila ay gumawa ng mga piramide.
• Mahigit 200 piramide ang itinayo sa necropolis (napakalaking sementeryo) ng Meroe.
• Ang ilang labi ng piramide sa Meroe ay idineklarang UNESCO World Heritage Site.
• Gumawa sila ng mga alahas, karaniwang ginto.
• Nagsimulang humina ang kabihasnang Kush nang magapi ng mga Romano ang mga Kushite.
• Noong 350 CE ay bumagsak na ang kaharian, at mga piramide na lamang makikita sa ngayon doon.