Pagbasa

• Layunin ng tekstong persweysib na maglahad ng isang opinyong kailangang mapanindigan at maipagtanggol sa tulong ng mga patnubay at totoong datos upang makumbinsi ang mga mambabasa na pumanig sa manunulat. Layunin na manghikayat o mangumbinsi sa babasa ng teksto. Isinusulat upang mabago ang takbo ng pag- iisip ng mambabasa at makumbinsi ito sa punto ng manunulat at hindi sa iba, siya ang tama.
• Mga uwi ng mga propaganda device

  1. Name calling
  2. Glittering Generalities
  3. Transfer
  4. Testimonial
  5. Plain folks
  6. Card Stacking
  7. Bandwagon
• NAME CALLING

  • Pagbibigay ng hindi magandang taguri sa isang produkto o katunggali upang hindi tangkilikin.
• GLITTERING GENERALITIES -magaganda at nakasisilaw na pahayag ukol sa isang produktong tumutugon sa mga paniniwala at pagpapahalaga ng mambabasa.
• TRANSFER- 

  -       Paggamit ng isang sikat na personalidad upang mailipat sa isang produkto o tao ang kasikatan.
• TESTIMONIAL-

  •  Kapag ang isang sikat na tao ay tuwirang nagendorso ng isang tao o produkto.
• PLAIN FOLKS- Mga kilala o tanyag na tao ay pinapalabas na ordinaryong tao na nanghihikayat sa produkto o serbisyo.
• CARD STACKING - Ipinakikita ang lahat ng magagandang katangian ng produkto ngunit hindi binabanggit ang hindi magandang katangian.
•  BANDWAGON-       Hinihimok ang lahat na gamitin ang isang produkto o sumali sa isang pangkat dahil lahat ay sumali na.
• Tatlong paraan ng panghihikayat ayon kay Aristotle

  • Ethos
  • Logos
  • Pathos
• Ethos- naiimpluwensyahan ng karakter at kredibilidad ng tagapagsalita ang paniniwala ng mga tagapakinig. Sa ganitong paraan, kailangang nagtataglay ng sapat na kasanayan sa pamamahayag ang isang manunulat o tagapagsalita.
• Logos - paraan ng paghikayat na umaapila sa isip. Ang paglalahad ng sapat na katibayan kaugnay ng paksa ay labis na nakakaapekto sa panghihikayat.
• Pathos- pag-apila sa damdamin ng mga tagapakinig. Ito marahil ang pinakamahalagang paraan upang makahikayat. Madaling naaakit ang isang tao kapag naantig ang kanyang damdamin kaugnay ng paksang tinatalakay.

   
• • Ang tekstong naratibo ay isang uri ng tekstong naglalayong magsalaysay ng kwento o pangyayari. Ang pagsulat nito ay maaring batay sa obserbasyon o nakita ng may akda, maari din namang ito ay nanggaling mula sa sarili niyang karanasan. Ito ay maaring hinango sa totoong pangyayari sa daigdig (di-piksyon), o nanggaling lamang sa kathang-isip ng manunulat (piksyon).
• Ang ilan sa mga halimbawa ng tekstong nagkukuwento na nabibilang sa akdang piksyon ay nobela, maikling kwento, at tulang nagsasalaysay. Ang halimbawa naman ng hindi piksyon ay talambuhay, balita at maikling sanaysay. Lahat ng halimbawang nabanggit ay nagtataglay ng masining na pagsasalaysay, nagpapahayag ng emosyon sa mga mambabasa, at nagpapakita ng iba’t-ibang imahen, metapora at mga simbolo.

   
• Elemento ng Tekstong Naratibo

  1. Paksa
  2. Estruktura
  3. Tauhan
  4. Oryentasyon
  5. Pamaraan ng Narasyon
  6. Komplikasyon o tunggalian
  7. Resolusyon
  8. Mga iba't ibang pananaw o point of view
• 1.    Paksa

  a.    Siyang iniikutan ng kwento sa tekstong naratibo. Sa pagpili ng ppaksa, mahalagang isaalang-alang ang magiging papel nito sa lipunan.
• 1.    Estruktura

  a.    Ang pagkakaayos ng daloy ng mga pangyayari sa kwento. Ang kabuuang estruktura ng kwento ay kinakailangang maging malinaw at lohikal.
• 1.    Tauhan

  a.    Gumaganap sa isang kwento. Nakikilala ang tauhan depende sa kung paano siya gumaganap sa isinasaylaysay na wkento
• Mga karaniwang tauhan sa naratibo

  1. Pangunahing tauhan
  2. Katunggaling tauhan
  3. Kasamang tauhan
• i.    Pangunahing tauhan: umiikot ang pangyayari sa kwento mula simula hanggang katapusan
•   i.    Katunggaling tauhan: kumakalaban o sumasalungat sa pangunahing tauhan
•    i.    Kasamang tauhan: kasama o kasangga ng pangunahing tauhan
• Uri ng Tauhan

  1. Tauhang bilog
  2. Tauhang lapad
• i.    Tauhang Bilog (round character)- Katangian na katulad din ng tao isang totoong tao na nagbabago ang katauhan sa loob ng akda. Halimbawa sa simula siya ay masama ngunit naging mabait sa huling bahagi ng kwento.
• i.    Tauhang Lapad (flat character) - Tauhang hindi nagbabago ang pagkatao mula sa simula hanggang sa katapusan. Halimbawa sa simula siya ay masama hanggang sa katapusan ng kwento.
• 1.    Oryentasyon

  a.    ang malinaw na pagbibigay ng deskripsyon ng may akda sa mga tauhan, tagpuan at mga pangyayari sa kwento. Ang manunulat ay dapat makapagbigay ng tiyak na detalye upang maipadama sa mga mambabasa ang realidad ng kaniyang akda.
• 1.    Pamaraan ng Narasyon

  ay estilo kung paano isinalaysay ng manunulat ang kabuuan ng kwento
• Mga pamamaraan ng narasyon

  1. Diyalogo
  2. Foreshadowing
  3. Plot Twist
  4. Ellipsis
  5. Comic book death
  6. Reverse Chronology
  7. In medias res
  8. Deus ex machina
• i.     Diyalogo – Ito ay estilo ng narasyon kung saan ang pagsasalaysay ng kwento ay naipapahayag sa pamamagitan ng pag-uusap ng mga tauhan.
• i.    Foreshadowing – Ito ay ang pagbibigay ng pahiwatig ng may akda sa kung ano ang maaring maganap sa istorya
• i.    Plot twist– Sa mga tekstong naratibo, ang plot twist ay ang hindi inaasahang kaganapan sa daloy ng kwento.
• i.    Ellipsis – Ang ellipsis ay ang pagtatanggal ng manunulat ng ilang yugto ng kwento upang mabigyan ng pagkakataon ang mambabasa na magbigay ng sarili nilang salaysay.
• i.    Comic Book Death – Ito ay isang estilo ng pagsasalaysay kung saan pinapatay ng manunulat ang mga mahahalagang tauhan ngunit sa pahuling bahagi ng kwento, ito ay bigla na lamang magpapakita para bigyan ng linaw ang mga nangyari.
• i.    Reverse Chronology – Isang paraan ng pagsasalaysay kung saan ang kwento ay nagsisimula sa dulong bahagi hanggang sa makapunta sa simula.
• i.    In medias res – Ang narasyon ay nagsisimula sa gitnang bahagi ng kwento.
• i.    Deus ex machina – Sa estilong ito, nabibigyan ng solusyon ang matinding suliranin sa pamamagitan ng hindi inaasahang mga tauhan, bagay o pangyayari. Ang mga susi sa suliranin ay hindi ipinakita o ipinakilala sa bandang unahan ng kwento, sa halip, sila ay bigla na lamang sumulpot sa istorya.
• 1.    Komplikasyon o tunggalian

  ay ang nagbibigay ng “thrill” o pagkasabik sa kwento. Ito ay karaniwang nagpapakita ng pagsubok na kinakaharap ng pangunahing tauhan
• 1.    Resolusyon

  Ito ang kahahantungan ng komplikasyon o tunggalian. Ang resolusyon ay maaring maging masaya o malungkot. Maari din namang magtapos ito sa hindi tiyak na kalalabasan kung saan ang mambabasa ang siyang mag-iisip sa kung ano ang kinahantungan ng kwento.
• Mga iba't ibang pananaw o point of view

  1. Unang panauhan
  2. Ikalawang panauhan
  3. Ikatlong panauhan