PANITIKAN

• ALAMAT- Kwento o salaysay na nagsasalamin ng mga matatandang kaugaliang Filipino, kadalasan ay naglalahad ng pinagmumulan ng ngalan ng bagay, pook, pangyayari.
• Mito o Mulamat- Kwento o salaysay tungkol sa pinagmulan ng sansinukuban, kalipunan ng iba’t ibang paniniwala sa mga diyos at diyosa, kuwento ng tao at ng mga mahiwagang nilikha. Halos magkatulad sa alamat.
• Kuwentong bayan- Ito’y naglalarawan ng mga kaugalian, pananampalataya at mga suliraning panlipunan ng panahong yaon.
• Pabula- Kwento o salaysay na ang mga gumaganap ay mga hayup o nagsasalita.
• Parabola- Kwento o salaysay batay sa banal na kasulatan na naglalahad ng katotohanang moral or espiritwal sa pamamagitan ng mga matalinhagang paraan.
• 1. Anekdota- Kwento o salaysay na maaring batay sa tunay na karanasan o hindi, katawa-tawa at may naiiwang mahalagang kaisipan sa mambabasa.
• 1. Maikling kuwento- Kwento o salaysay na nag-iiwan ng isang impresyon o kakintalan sa mambabasa. Ito ay maikli at maaaring matapos sa isang upuan lamang. May kakunting tauhan, tagpo at mga pangyayari.
• Nobela o kathambuhay- Ang salitang nobela ay hiram sa kastila na hiram din sa italyanong novella. Isang katha na nagsasalaysay ng anumang bagay na sa kabuuan o sa isang bahagi ay hinango sa isang pangyayari at sinulat upang magbigay kasiyahan sa mambabasa dahil sa magandang paglalarawan ng tagpo, ng ugali, at gawi ng mga taong pinagagalaw
• Dula- layunin na itanghal sa entablado ang mga pangyayari na maaring binubuo ng isa o higit pang pangyayari na may isa o higit pang mga pangunahing tauhan at mga katulong na tauhan, Ang dulang iisahing yugto at naglalahad ng isang pangyayari sa buhay ng pangunahing tauhan at natatapos sa maikling panahon.
• Ang mahabang dula ay binubuo ng maraming pangyayari, maraming tauhan, at tumatagal ng mahabang panahon
• Talambuhay- Nagsasalaysay ng mahahalagang pangyayari sa buhay ng isang tao mula nang siya’y isinilang hanggang sa pagkamatay.
• Pangulong tudling o Editoryal- Mababasa sa mga pahayagan na pawang kuro-kuro ng punong patnugot tungkol sa napiling paksa. May layuning hikayatin ang madla. Ito ay may tungkuling magturo, pumuri, tumuligsa, at magtanggol.
• Balita- Naglalahad ng mga pang araw-araw na kaganapan sa loob at labas ng bansa, Sinaklaw ang halos lahat na larangan tulad ng isport, politika, ekonomiya, edukasyon, kalusugan, relihiyon, espesyal at iba pang kauri.
• 1. Kasaysayan- Ito’y tala o mga nakasulat tungkol sa mga ulat na matagal nang nakaraan o nakalipas na.
• Sanaysay- Tumatalakay sa isang napakahalagang paksa. Naglalahad ng sariling opinyon o pananaw ng sumusulat. Maaring pormal/ maanyo o impormal/ malaya.