Talinghaga ng mga bahagi ng katawan o kaya’y kilos ng tao

• Bukas ang palad — magaang magbitiw ng salapi; galante; hindi maramot
• Kadaupang-palad — kaibigang matalik
• Kumindat sa dilim — nabigo; nilubugan ng pag-asa
• Lawit ang pusod — balasubas
• Ligaw-tingin — torpe; hindi makapagsalita sa nais ligawan
• Mababang-luha — iyakin; bawat kalungkutan ay iniiyak
• Mabigat ang dugo — kinaiinisan
• Magaan ang bibig – palabati; magiliw makipagkapuwa
• Magaan ang kamay — magandang magbuwana mano, kung sa negosyo o sugal;
• Mapagbuhat ng kamay, o madaling manampal o manakit
• Mahigan ang kaluluwa — matinding galit
• Mainit ang mata — malas sa panonood; nagdadala ng kamalasan kapag nagmiron sa sugalan
• Manipis ang balat — mapaghinanakit; madaling masaktan kapag sinabihan
• Marumi ang noo — taong may kapintasan
• May balahibo ang dila — sinungaling
• May balat sa batok — malas
• May kurus ang dila — nagkakatotoo ang bawat sabihin
• May nunal sa paa — Layas; mahilig maglagalag
• May tala sa noo — babaeng ligawin o malimit suyuin ng mga lalaki
• May-sungay — lalaking di-pinagtatapatan ng asawa; lalaking kinakaliwa o pinagtataksilan ng asawa
• Namuti ang talampakan — kumarimot dahil naduwag; tumakbo palayo dahil sa natakot o naduwag.
• Nasa dulo ng dila — hindi masabi-sabi; hindi matandaan, bagama’t alam na alam
• Naulingan ang kamay — nagnakaw; kumupit ng salapi
• Tabla ang mukha — walang kahihiyan
• Taingang-kawali — nagbibingi-bingihan; kunwari’y hindi nakarinig.