5. Sistema bancario e financieiro

• A necesidade de capital para crear novos negocios industriais e financiar o ferrocarril trouxo consigo o desenvolvemento do sistema bancario e financieiro. Os bancos, as sociedades por accións e a bolsa convertéronse en instrumentos necesarios para a captación de aforros privados e o financiamento dos investimentos.
• A bolsa de Madrid naceu no 1831 e a de Barcelona no 1851, ao tempo que proliferaban as sociedades por accións.
• En canto á banca, o sector quedou organizado coa Lei de ordenamento bancario de 1856. Segundo a lexislación, existían dous tipos de bancos: os de emisión (podían emitir billetes) e as sociedades de crédito (bancos de negocios). Á cabeza do sistema estaba o Banco de España4, con exclusividade para emitir papel moeda desde 1875. A creación de entidades crediticias privadas aumentou entre 1856 e 1857, destacando o Banco Santander e o Banco de Bilbao (xerme de BBVA).