esp 10 week 1 4th

• Sekswalidad


  Kaugnay ng pagiging ganap na babae o lalaki
• Ang sekswalidad ay isang malayang pagpili at personal na tungkulin na ginagampanan ng tao gamit ang kaniyang katawan at espiritu tungo sa kaniyang kaganapan kaisa ang Diyos
• Ang kabataang Filipino ngayon ay patuloy na nakikibaka sa mga isyung may kinalaman sa seks at sekswalidad
• Mga isyung may kinalaman sa seks at sekswalidad

  • Pakikipagtalik nang hindi kasal (pre-marital sex)
  • Pornograpiya
  • Pang-aabusong sekswal
  • Prostitusyon
• Pre-marital sex


  Gawaing pagtatalik ng isang babae at lalaki na wala pa sa wastong edad o nasa edad na subalit hindi pa kasal
• Mga pananaw na dahilan kung bakit ang kabataan ay pumapasok sa maagang pakikikapagtalik


  • Ito raw ay normal at likas na gampanin ng katawan ng tao upang maging malusog siya at matugunan ang pangangailangan ng katawan
  • Kapag hindi raw ito isinagawa hindi mararating ng tao ang kaganapan ng kaniyang buhay
  • Maraming kabataan ang nag-iisip na maituturing na tama ang pakikipagtalik lalo na kapag ang mga gumagawa nito ay may pagsang-ayon
  • Karapatan ng tao na makipagtalik at malaya silang gawin ito
  • Naniniwala ang mga gumagawa ng pre-marital sex na may karapatan silang makaranas ng kasiyahan
  • Ang pakikipagtalik ay isang ekspresyon o pagpapahayag ng pagmamahal
• Pornograpiya


  Mga mahahalay na paglalarawan (babasahin, larawan, o palabas) na may layuning pukawin ang seksuwal na pagnanasa ng nanonood o nagbabasa
• Mga epekto ng pornograpiya

  • Nakaiimpluwensiya sa paggawa ng mga abnormal na gawaing sekswal, lalong-lalo na ang panghahalay
  • May mga kalalakihan at kababaihan ding dahil sa pagkasugapa sa pornograpiya ay nahihirapang magkaroon ng malusog na pakikipag-ugnayan sa kanilang asawa
  • Nakararanas sila ng sekswal nakasiyahan sa panonood at pagbabasa ng pornograpiya, at pang-aabuso sa sarili at hindi sa normal na pakikipagtalik
  • Ginagamit ng mga pedophiles sa internet upang makuha ang kanilang mga bibiktimahin
  • Ang mga mahahalay na eksenang ipinakikita ng pornograpiya ay pumupukaw ng mga damdaming sekswal ng kabataang wala pang kahandaan para rito
• Dahil sa pornograpiya, ang tao ay maaaring mag-iba ng asal
• Ang mga sekswal na damdamin na ipinagkaloob ng Diyos sa tao, na maganda at mabuti, ay nagiging makamundo at mapagnasa
• Pang-aabusong sekswal


  Ang pang-aabuso na isinasagawa ng isang nakatatanda na siyang pumupuwersa sa isang nakababata upang gawin ang isang gawaing sekswal
• Karamihan sa mga nagiging biktima ng pang-aabusong seksuwal ay ang mga bata o kabataang may mahihinang kalooban, madaling madala at may kapusukan
• May mga magulang din na sila mismo ang nanghihikayat sa kanilang mga anak na gawin ang pang-aabusong sekswal upang magkapera
• Ang paggamit ng kasarian ay para lamang sa pagtatalik ng mag-asawa na naglalayong ipadama ang pagmamahal at bukas sa tunguhing magkaroon ng anak upang bumuo ng pamilya
• Prostitusyon


  Ang pagbibigay ng panandaliang-aliw kapalit ng pera
• Ang prostitusyon ay isang pang-aabusong sekswal na nakapagpapababa sa pagkatao ng taong sangkot dito
• Ang mga taong tumatangkilik sa prostitusyon ay nawawalan ng paggalang sa pagkatao ng tao
• Bilang kabataang pag-asa ng ating bayan, mahalaga ang iyong pagtugon sa mga isyung nabanggit
• Binigyan ka ng Panginoong Diyos ng talino, isip, batas likas moral at konsyensya. Gamitin ang mga regalong ito upang makabuo ka nang pansariling paninindigan sa mga isyung kawalang paggalang sa dignidad at sekswalidad
• Sa pagsasagawa ng mga isyung sekswal na nabanggit, marapat ding alamin ng tao lalo na ng kabataan kung ano ang layunin nila sa pagsasagawa nito
• Ang layunin ba nila ay mabuti? Paano naman ang kanilang paraan? Ang paraan ba ay mabuti?
• Upang magbunga ng mabuti ang iyong pagpapasiya, dapat na maging bukas ang isang kabataang katulad mo tungkol sa pinagdaraanan mo
• Maghanap at paligiran mo ang iyong sarili ng mga kapamilya at kaibigang iyong mapagkakatiwalaan. Magbibigay sila sa iyo ng suporta at magkakaloob sa iyo ng lakas na labanan ang mga tukso