SAKNONG 69-79: PAG-IBIG NA MAKAPANGYARIHAN

• Isinalaysay ang pagdating ng gererong Moro o mandirigmang Moro, may turbante, pananamit-Moro, mula sa Persiya.
• Naghanap siya ng mapagpapahingahangan, binitawan ang pika (sibat) at adarga (kalasag o pananggalang bilog), pinagdaop ang kamay.
• Tumingala si Aladin sa mga punong tinatakpan ang langit, para siyang estatuwa hindi gumagalaw at walang imik, walang tigil din ang kaniyang buntong-hininga.
• Nang mangawit siya ay umupo siya sa tabing punongkahoy at tumulo ang luha.
• Ipinatong ang ulo sa kaliwang kamay, tinakpan ang noo ng kanang kamay, malalim ang kaniyang iniisip.
• Sumandal sa puno ngunit 'di humuhupa ang pag-agos ng luha.
• Nagulat si Aladin at maya-maya'y kinuha ang pika't kalasag, galit na galit si Aladin at makikita mo sa kaniyang mukha ang bangis ng Furias.

  • Furias - mga diyosa sa impiyerno a binubuo ng tatlong babaeng may buhok na ahas
• Kundi lang ang ama niya ang umagaw kay Flerida, malamang makapatay siya gamit ang kaniyang pika (sibat).
• Sa pagpapakita ng kaniyang buong galit, sinabi ni Aladin na bababa si Marte at aahon si Parkas.

  • Marte - MITOLOHIYA. Ang kinikilalang Diyos ng Digmaan.
  • Parkas - tatlong diyosa ng kapalaran.
• Makapangyarihan ang pag-ibig, sadyang kinalimutan ni Sultan Ali-Adab ang pagiging ama alang-alang sa pag-ibig ni Flerida na kasintahan ng anak.