Aralin 10

• Etika


  Mga pamantayan ng pagkilos at pag-uugali batay sa mga katanggap-tanggap na ideya sa kung ano ang tama at mali
• Etika (sa pilosopiya)


  Isang sangay ng pag-aaral na nakapokus sa grupo ng mga prinsipyo at paniniwala sa kung ano ang mabuti at nararapat
• Etika (sa pananaliksik)


  Pagsunod sa mga pamantayang may pagpapahalaga sa katapatan, kabutihan, at pagsasaalang-alang sa kapakanan ng kapwa
• Mga Gabay sa Etikal na Pananaliksik

  • Pagkilala sa Pinagmulan ng mga Ideya sa Pananaliksik
  • Boluntaryong Partisipasyon ng mga kalahok
  • Pagiging Kumpidensiyal at Pagkukubli sa Pagkakakilanlan ng Kalahok
  • Pagbabalik at Paggamit sa Resulta ng Pananaliksik
• Pagkilala sa Pinagmulan ng mga Ideya sa Pananaliksik


  Mahalaga ang pagbanggit at pagkilala sa iba pang mananaliksik at iskolar na naging tuntungan at pundasyon ng pananaliksik. Nakalilikha ng isang komunidad ng mga mananaliksik na may malasakit at iisang layunin.
• Boluntaryong Partisipasyon ng mga kalahok

  Kinakailangang hindi ipinipilit ang sinumang kalahok o tagatugon sa pagbibigay ng impormasyon o anumang partisipasyon.
• Pagiging Kumpidensiyal at Pagkukubli sa Pagkakakilanlan ng Kalahok


  Kailangang ipaunawa sa mga kalahok na ang anumang impormasyong magmumula sa kanila ay gagamitin lamang sa kapakinabangan ng pananaliksik.
• Pagbabalik at Paggamit sa Resulta ng Pananaliksik

  Mahalagang ipaalam sa mga tagasagot ang sistematikong pagsusuri ng mananaliksik sa kinalabasan ng pag-aaral.
• Plagiarism


  Tahasang paggamit at pangongopya ng mga salita at/o ideya nang walang kaukulang pagbanggit o pagkilala sa pinagmulan nito
• Iba't Ibang Anyo ng Plagiarism

  • Pagsusumite ng papel na gawa o produkto ng iba o sabay na pagsusumite ng iisang papel sa magkaibang kurso
  • Redundant Publication - nagpapasa ang isang pananaliksik ng iisang pag-aaral sa dalawang magkaibang refereed journal para sa publikasyon
  • Self-plagiarism - ang bahagi ng isang pananaliksik ay inuulit sa isa pang pananaliksik nang walang sapat na pagbanggit kahit sariling ideya ang pinagmulan nito
  • Pagpaparami ng listahan ng sanggunian kahit hindi naman ito nagamit sa pananaliksik o kaya ay paglalagay ng mga aklat o materyales na hindi naman personal na nabasa at ginamit, bagkus ay nakita lamang na binanggit sa aklat ng iba
• Nakasalalay sa kasinupan at katapatan ng pananaliksik ang integridad nito. Kung isasapuso ng sinumang mananaliksik ang makalipunan at makataong kalikasan ng gawaing ito, tiyak na susunod ang pagiging matuwid at makatuwiran.