Characters

• Simoun


  Tinawag ding Kardinal Moreno, Eminencia Negra. Mayamang mag-aalahas na taga-payo ng Kapitan Heneral. Pinangingilagan ng marami dahil sa kapangyarihan at kayamanang taglay. Ginamit ang kayamanan upang maisagawa ang planong paghihiganti sa kaniyang pagbabalik mula sa sinapit ng ama at paghihiwalay sa kaniyang kasintahan. Siya ay si Juan Crisostomo Ibarra sa Noli Me Tangere.
• Basilio


  Binatang mag-aaral ng medisina kinalinga at inampon ni Kapitan Tiyago. Dating sakristan na panganay na anak ng nabaliw na si Sisa. Umibig sa isang masintahing dalaga na si Huli.
• Isagani


  Ang makata at ang makabayang binata na mag-aaral ng Ateneo na nagmamahal nang labis kay Paulita Gomez kasunod ng pag-ibig niya sa bayan. Pamangkin ni Padre Florentino. Ang matayog na pangarap ni Dr. jose Rizal para sa bayan sa hinaharap- maunlad na bayan sa gitna ng abang kalagayan- ay lumabas sa bibig ni Isagani.
• Padre Florentino


  Paring Pilipino na lubos na iginagalang ng lahat dahil sa kaniyang kahinahunan, taglay na kabaitan at pagiging makatao bilang tunay na alagad ng Diyos. Siya ang pinagkatiwalaan ni Simoun sa mga lihim ng kanyang tunay na pagkatao at nagbibigay -liwanag sa huling sandal ng buhay nito.
• Kabesang Tales


  Si Kabesang Tales ang ama ni Huli. Isang masipag na magsasaka na naging biktima ng kawalang katarungan sa lupaing pinamuhunan ng buong pamilya niya ng pawis, dugo, at buhay makaraanng panggigipit ng mga prayle.
• Huli


  Dalagang taganayon na kasintahan ni Basilio anak ni Kabesang Tales. Dumanas ng kahirapan at ni hindi nakapag-aral bunga ng mga kagipitang sinapit ng kaniyang pamilya. Nagpaalipin kay Hermana Penchang upang matubos ang amang binihag ng mga tulisan.
• Donya Victorina


  Isang ginang na nasa hustong gulang ngunit ang paggalang ay hindi natatamo bunga ng paraan ng pananalita at pananamit. Hinahanap niya ang asawang si Don Tiburcio na umalis sa takot na hindi makapagpigil sa kanya at kung ano pa ang magawa.
• Paulita Gomez


  Kasintahan ni Isagani at pamangkin ni Donya Victorina.
• Padre Millon


  Isang gurong prayle sa Pisika na namamahiya ng mga mag-aaral lalo na sa Pilipinong estudyante.
• Padre Salvi


  Dating kura ng San Diego at obispo ng Sta. Clara. Ang paring pinatutungkulan ng ulong pugot na ginamit ni Simoun upang ipabatid ang lahat ng poot niya sa paring gumupit sa kaniya.
• Padre Camorra


  Naging kura Paroko ng San Diego. May lihim na pagtingin kay Huli at nagsamantala sa gipit na kalagayan ng dalaga.
• Padre Fernandez


  Dominikanong propesor
• Padre Sibyla


  Ang dominikanong vice-rector ng Unibersidad ng Sto. Tomas.
• Don Custodio


  Tinawag na Buena Tinta at ang Tagapanukala. Inilalarawan niya ang mga Pilipino na may kolonyal na kaisipan sapagkat siya'y nakarating sa ibang bansa ang tingin niya sa sarili ay magaling at napakahusay. Naniniwala siya na ang mga Pilipino ay walang kakayahan at masasawi lamang.
• G. Pasta


  Bantog na abogado ng Maynila. Hindi nakikisangkot sa mga usaping panlipunan sa takot na madamay ang pinangangalagaang mga ari-arian kaya tumanging tulungan si Isagani.
• Ben Zayb


  Manunulat sa isang pahayagan
• Quiroga


  Isang mangangalakal na Tsino, ninais maging konsul ng Tsina sa Pilipinas kaya't nanunuhol siya at nalagay sa kagipitan bunga ng malaking pagkakautang kay Simoun.
• Placido Penitente


  Tahimik, matalino at masipag na mag-aaral ng Batangas na nag-aral sa Maynila ngunit nabigo sa inaasahan.
• Mataas na Kawani


  Marangal na kawani laging sumasalungat sa ibig ng Kapitan Heneral. Isang Espanyol ngunit may matuwid na pagpapasya.