mga tauhan ng el fili

• Simoun


  - napakayamang mag-aalahas

  - kaibigang matalik at tagapayo ng kapitan-heneral

  - makapangyarihan kaya't iginagalang

  - palihim na naghahasik ng rebolusyon
• Kapitan Heneral


  - hinirang ng Espanya bilang pinakamataas na pinuno ng pamahalaan

  - masipag at nagpapahalaga sa oras

  - gumagawa ng importanteng paspapasiya

  - pabigla-bigla at makapritsong humatol

  - palaging salungat sa pasya ng mataas na kawani
• Mataas na Kawani


  - isang Espanyol

  - kagalang-galang at may paninindigan

  - tumutupad sa tungkulin

  - may mabuting kalooban para sa mga nagsusulong ng pagtuturo ng wikang Kastila

  - laging sumasalungat sa mga di mabuting panukala ng mga opisyal at kawani

  - sumasalungat sa kapitan Heneral kapag nagpasya ito ng hindi marapat at mabuti

  - mapanuri at makatarungan
• Padre Florentino


  - Tiyuhin ni Isagani

  - paring Pilipino : mabuti at magalang

  - pinilit lamang siya ng inang maglingkod sa Diyos

  - kumupkop sa pamangking si Isagani nang maulila ito sa mga magulang
• Padre Bernardo Salvi


  - paring Pransiskano na iginagalang ng ibang prayle

  - mapag-isip

  - umibig ng lubos kay Maria Clara
• Padre Fernandez


  - isang apring dominiko na bukas ang isip sa pagbabago lalo na sa edukasyon

  - sang-ayon a adhikaing makapag-aral ng wikang kastila ang mga estudyante

  hindi nalulugod sa mga gawaing tiwali ng pamahalaan at kapwa niya prayle
• Padre Irene


  - Paring kanonigo

  - minamaliit at di gaanong iginagalang ni Padre Camorra

  - nilapitan ng mga mag-aaral upang maipasa ang panukalang akademya sa pagkakaroon ng wikang kastila sa mga estudyante

  - naging tagaganap ng huling habilin ng kaibigang si kapitan Tiago
• Padre Hernando Sibyla


  - isang matikas at matalinong pareng Dominiko

  - Vice Rector ng Unibersdad ng Santo Tomas

  - salungat sa pagpasa ng panukala upang matuto ng wikang kastila ang mga mag-aaral
• Padre Camorra


  Batang paring pransiskano

  - mahilig makipagtungayaw kay Ben Zayb

  - kura ng Tiani

  - walang galang sa mga kababaihan lalo na sa magagandang dilag
• Padre Millon


  - isang paring Dominiko

  - propesor sa Kemika at Pisika

  - mabuting pilosopo at mahusay makipagtalo

  - hindi niya lubusang maituro nang mahusay ang aralin sa mga mag-aaral

  - makikita sa kanya ang maling sistema ng edukasyon sa bansa
• Telesforo Juan de Dios


  Kabesang Tales

  - napakasipag na magsasaka

  - dating kasama sa mga mayayamang may lupain

  - umuunlad dahil mahusay gumamit ng kinikitang pera

  - pinili na maging kabesa ng Barangay dhila sa kanyang kasipagan at pagiging mabuting tao
• Juliana/Juli


  - ang pinakamagandang dalaga sa Tiani

  - anak ni Kabesang Tales

  - larawan ng pilipinang madasalin, matiisin, masunurin at madiskarte

  - tunay siyang mapagmahal sa pamilya

  - tapat at marunong maghintay sa katipang si Basilio
• Tata Selo


  - kumalinga sa batang si Basilio sa gubat nang tumakas siya mula sa mga gwardiya sibil

  - maunawaing tatay ni Kabesang Tales

  - mapagmahal na lolo nina Julia at Tano
• Tano/Carolino


  - anak ni Kabesang Tales na tahimik

  - kusang-loob na sumunod sa kagustuhan ng amang siya'y magsundalo

  - nawala nang matagal na panahon
• Basilio


  - nalagpasan ang mga hilahil dahil nagpaalipin kay Kapitan Tiago

  - nagpunyagi sa pag-aaral

  - nagtagumpay at nakapanggamot agad kahit hindi pa nakukuha ang diploma ng pagtatapos
• Isagani


  - isang malalim na makata

  - mahusay makipagtalo

  - matapang sa pagpapahayag ng kanyang pinaniniwalaan kaninuman

  - matuwid sa paggamit ng adhikain

  - pamangkin siya ng butihing si Padre Florentino
• Makaraig


  Mayamang estudyante na masigasig sa pagtatayo ng Akademya

  - nangunguna sa panawagang pagbubukas ng akademya sa pagtuturo ng kastila

  - masipag mag-aral

  - mahusay makipagtalo

  - mapitagan at nakalulugod na mag-aaral

  - palabasa ng iba't - ibang libro

  - napakayaman at bukas-palad sa kapwa
• Placido Penitente


  Mahinahon at mapagtimpi ang kahulugan ng kanyang pangalan

  - parang bulkan siyang sumabog kapag nagalit
• Pecson


  Mapanuring mag-aaral

  - masigasig makipagtalo

  - hindi siya agad naniniwala sa mga bali-balita lamang

  - laging nag-aalala
• Juanito Pelaez


  - mayamang mag-aaral na tamad at lakwatsero

  - laging inaabuso at tinatakot si Placido

  - may kapansanang pisikal

  - masugid na manliligaw ni Paulita Gomez na pinaburan ng kanyang tiyahin na si Donya Victorina
• sandoval


  - tunay na Espanyol

  - lubos na kaisa sa adhikain ng mga estudyanteng PIlipino

  - mahilig makipagdebate nang kahit anong paksa

  - nais niyang maipalabas ang katotohanan sa isang usapin
• Tadeo


  - mag-aaral na lubhang tamad

  - laging nagsasakit-sakitan tuwing makikita ang propesor

  - hangad niyang laging walang pasok upang makapaglakwatsa

  - may kahambugan

  - walang ambisyon sa buhay

  - malaswang magsalita

  - nagyayabang sa mga walang muwang na nilalang
• Paulita Gomez


  - masayahin at napakagandang dalaga nahinahangaan nang karamihang lalake

  - pamangkin siya ni Donya Victorina

  - kasintahan ni Isagani

  - larawan siya ng dalagang laging maayos at maalaga sa sarili
• Donya Victorina de Espadana

  - larawan ng isang Pilipinang walang pagpapahalaga sa kanyang lahi.

  - inaalimura , tinatakwil at itinutuligsa ang mga Indiong Kanyang kalipi

  - asawa ni Don Tiburcio
• Don Tiburcio de Espadaña


  Ang nakaisang dibdib ni Doña Victorina at nagpanggap na isang doktor

  - nagpasyang di na muling magpakita sa asawa dahil sa kapritso nito

  - larawan ng mga lalaking walang buto, sunod-sunuran, at takot sa asawa
• Don Santiago "Kapitan Tiago" delos Santos


  - dating kaibigan ng mga prayle subalit ngayo'y masama na ang loob niya sa mga ito

  - nawalan ng kahulugan ang kanyang buhay nang pumasok si Maria Clara sa monasteryo

  - nalulong sa sabong at paghithit ng apyan

  - nawala sa katinuan

  - siya ang naging kasangkapan sa pagbabagong-buhay ni Basilio
• Maria Clara delos Santos


  - ang tanging inibig ni Simoun sa kanyang buhay

  - ISa sa mga dahilan sa pagbabalik ni Ibarra sa katauhan ni Simoun sa Pilipinas

  - nais siyang kunin at itakas ni Simoun mula sa monasteryo
• Kapitan Basilio


  - mayamang mamamayan ng San Diego

  - ama ni Sinang at asawa ni Kapitana Tika

  - galante sa mga pinuno at prayle upang maiwasan ang problema o kagipitan sa mga pabor na kanyang mga kakailanganin
• Don Custodio de Salazar y Sanchez de Monteredondo


  - nakapag-asawa ng maganda at mayamang mestisa

  - umangat ang posisyon hanggang naging opisyal na tagapayo ng Kapitan Heneral dahil sa likas niyang talino

  - Ang mga salitang masipag, mapanuri, matalino at palaisip ay ilan lamang sa mahuhusay na bansag sa kanya dahil ito sa mabuting panulat ni Ben Zayb na kanyang kaibigan

  - alam na alam ni Don Custodio ang kanyang tungkulin subalit kakatwa ang kanyang mga panukala at pasiya sa mga ito
• Ben Zayb


  - mamahayag na malayang mag-isip

  - minsan kakatwa ang paksang nais niyang isulat magkaroon lamang ng ilalathala

  - mababa ang tingin niya kay Padre Camorra

  - siya ang utak sa lumalabas na magaganda at mabubuting balita tungkol sa Kapitan Heneral at sa iba pang matataas na opisyal upang mapalapit siya sa mga ito
• Ginoong Pasta


  Naging alila siya ng mga prayle habang nag-aaral bago siya naging pinakatanyag na Abogadong Pilipino

  - dating kaklase ni Padre Florentino

  - Mapanuri at namimili siya ng kausap

  - takot siyang mamagitan para sa kaunlaran ng mga mag-aaral at walang malasakit sa kanilang iniisip sa kabutihan
• Pepay


  - isang kaakit-akit na mananayaw

  - siya ay maputi at kakaiba ang kulay sa mga karaniwang Pilipina

  - mahilig siyang humingi ng mga pabor sa kaibigang si Don Custodio na nahihibang sa kanyang alindog

  - kaibigan din niya si Juanito Pelaez
• Kapitan ng Barko


  - isang beteranong marinero

  - siya ay may malawak na karanasang paglalakbay sa iba't-ibang panig ng mundo noong kanyang kabataan luulan ng matutulin at malalaking barko
• Tiyo Kiko


  matalik na kaibigan ni Camaroncocido.

  - isang matandang pandak na buhay na buhay ang mga mata

  - nabubuhay sa pagbabalita ng mga palabas at pagpapaskil ng mga anunsiyo

  - isang siyang mahirap na Indio
• Camaroncocido


  - tanging nilalang sa siyudad na walang pakialam sa pinagkakaguluhan ng lahat sa siyudad na opereta mula sa Pransiya

  - dating mamamahayag at anak ng kilalang pamilyang Espanyol pero sa kadahilanang di nabanggit ang nobela ay namumuhay nang maralita at namamalimos
• Sinong


  ang kutserong dalawang ulit na nahuli ng guardiya sibil bago mag-noche buena dahil sa wala siyang sedula at wala rin ilaw ang kanyang kalesa

  - naging kutsero ni Simoun sa huli at naging kasapi siya ng lihim ng kilusan
• Mr. Leeds


  mahusay na mahika

  - napaniwala niya ang mga manunood at napag-usig sa budhi ni Padre Salvi sa kanyang palabas
• Don Timoteo Pelaez


  - siya ang ama ni Juanito Pelaez

  - larawan ng mapandustang mangangalakal

  - nakabili ng tahanan ni Kapitan Tiago sa murang halaga

  - naging kasosyo siya sa negosyo ni Simoun
• Quiroga


  - isang mayamang mangangalakal na Intsik

  - Iniaangkop niya ang ugali depende sa kanyang kaharap

  - isinisulong niya ang pagkakaroon ng konsulado ng mga Intsik sa bansa
• Kabesang Andang


  Ina ni Placido Penitente

  - kahit balo na, matiyaga niyang pinag-aral ang anak

  - naghigpit siya ng sinturon para sa sarili mabigyan lamang ng edukasyon ang anak

  - siya ay larawan ng ulirang magulang dahil sinisiguro niyang matutugunan ang mga pangangailangan ng anak