Historikal na Pag-unlad ng Karapatang Pantao

• Cyrus Cylinder (539 BCE) - Sinakop ni Haring Cyrus ng Persia at kaniyang mga tauhan ang lungsod ng Babylon. Pinalaya niya ang mga alipin at ipinahayag niya na maaari silang pumili ng sarili nilang relihiyon. Idineklara din ang pagkakapantay-pantay ng lahat ng lahi. Nakatala sa isang baked clay cylinder na tanyag sa tawag na Cyrus Cylinder. Tinagurian bilang "World's First Charter of Human Rights".
• 1215 Magna Carta - Sapilitang lumagda si Haring John I ng England sa Magna Carta, isang dokumentong naglalahad ng mga karapatan ng mga taga-England. Ilan sa mga ito ay hindi maaaring dakpin, ipakulong at bawiin ang anumang ari-arian ng sinuman nang walang pagpapasiya sa hukuman. Sa dokumentong ito, nilimitahan ang kapangyarihan ng hari ng bansa.
• 1628 Petition of Rights - Sa England, ipinasa ang Petition of Rights na naglalaman ng mga karapatan tulad ng hindi pagpataw ng buwis nang walang pahintulot ng parliament, pagbawal sa pagkulong nang walang sapat na dahilan, at hindi pagdeklara ng batas-militar sa panahon ng kapayapaan.
• 1791 Bill of Rights - Noong 1787, inaprubahan ng US Congress ang Saligang Batas nng kanilang bansa. Sa dokumentong ito, nakapaloob ang Bill of Right na ipinatupad noong December 15, 1791. Ito ang nagbibigay proteksyon sa mga karapatang pantao ng lahat ng mamamayan at maging ang iba pang taong naninirahan sa bansa.
• 1789 Declaration of the Rights of Man and of the Citizen - noong 1789, nagtagumpay and French revolution an wakasan and ganap na kapangyarihan ni haring Louis XVI. Sumunnod sa paglagda ng Declaration of the Rights of man and of the Citizen na naglalaman ng mga karapatan ng mamamayan.
• 1864 The First Geneva Convention - Noong 1864, isinagawa ang pagpupulong ng 16 Europeong bansa at ilang estado ng US sa Geneva, Switzerland. Kinilala ito bilang first Geneva Convention na may layuning isaalang-alang ang pag-aalaga sa mga sugatan at may sakit na sundalo nang walang diskriminasyon.
• 1948 Universal Declaration of Human Rights - Noong 1948, itinatag ng UN ang Human Rights Commission sa pangunguna ni Eleanor Roosevelt, asawa ng yumaong pangulong Franklin Roosevelt.