Ang mga tauhan sa Noli Me Tangere

• Cristostomo Ibarra - Siya ay kababata at kasintahan ni Maria Clara.
• Maria Clara - Siya ang kasintahan ni Crisostomo Ibarra na kumakatawan sa isang uri ng Pilipinang lumaki sa kumbento at nagkaroon ng edukasyong nakasalig sa doktrina at relihiyon.
• Elias - Siya ay isang piloto/bangkero at magsasakang tumulong kay

  Crisostomo Ibarra para makilala ang kaniyang bayan at gayundin ang mga suliranin nito.
• Pilosopo Tasyo - Siya ay isang iskolar na nagsisilbing tagapayo ng marurunong na mamamayan ng San Diego.
• Padre Damaso - Isang kurang Pransiskano na dating kura ng San Diego at siya ring nagpahukay at nagpalipat sa bangkay ni Don Rafael Ibarra sa libingan ng mga Intsik.
• Kapitan Tiago - Isang mayamang mangangalakal na taga-Binondo na asawa ni Pia Alba at ama ni Maria Clara.
• Don Rafael Ibarra - Ama ni Crisostomo Ibarra na namatay sa bilangguan.
• Sisa - Ang mapagmahal na ina nina Basilio at Crispin na may asawang pabaya at malupit.
• Padre Salvi - Kurang pumalit kay Padre Damaso sa San Diego.
• Padre Sibyla - Isang paring Dominikano na lihim na sumusubaybay sa bawat kilos ni Crisostomo Ibarra.
• Basilio - Nakatatandang anak ni Sisa na isang sakristan at tagatugtog ng kampana sa kumbento.
• Crispin - Bunsong kapatid ni Basilio na isa ring sacristan at kasama ring

  tumutugtog ng kamapana sa simbahan ng San Diego.
• Alperes - Siya ang puno ng mga guwardiya sibil at siya ring mahigpit na kaagaw ng kura sa kapangyarihan sa San Diego.
• Donya Consolacion - Siya ay isang dating labanderang malaswa kung magsalita na naging asawa ng alperes.
• Donya Victorina - Isang babaeng punumpuno ng kolorete sa mukha dahil sa kaniyang pagpapanggap bilang isang mestisang Espanyol. Mahilig din siyang magsalita ng Kastila bagama’t ito ay laging mali.
• Don Tiburcio - Siya ay pilay at bungal na Kastilang nakarating sa Filipinas dahil sa kaniyang paghahanap ng magandang kapalaran.Naging asawa siya ni Donya Victorina.
• Alfonso Linares - Binatang napili ni Padre Damaso

  na maging asawa ni Maria Clara. Siya ay

  malayong pamangkin ni Don Tiburcio.
• Tiya Isabel - Siya ang hipag ni KapitanTiago na nag-aalaga kay Maria Clara simula nang siya ay sanggol pa lamang.
• Donya Pia - Siya ang ina ni Maria Clara na sa loob ng anim na taon ng pagsasama ng kaniyang kabiyak ay hindi nagkaanak. Siya ay namatay matapos maisilang si Maria Clara.
• Tenyente Guevarra - Isa sa matapat na kaibigan ni Don Rafael Ibarra. Siya rin ang tenyente ng gurdia civil na nagkuwento kay Crisostomo Ibarra ng totoong sinapit ng kaniyang ama.
• Kapitan Heneral - Ang pinakamakapangyarihang opisyal at kinatawan ng Hari ng Espanya sa Filipinas. Siya rin ang tumulong kay Crisostomo Ibarra para maialis siya sa pagka-ekskomulgado.
• Kapitan Basilio - Isa sa mga naging kapitan ng bayan ng San Diego na naging kalaban ni Don Rafael sa isang usapin sa lupa.
• Don Filipo - Siya ay isang tenyente mayor na kaibigan ni PilosopoTasyo at asawa ni Donya Teodora Vina. Siya ay mahilig magbasa ng Latin. Siya rin ang ama ni Sinang.
• Lucas - Isang Indio na kapatid ng tauhang namatay sa pagbagsak ng kabriya sa ipinapatayong gusali ng paaralan ni Crisostomo Ibarra.
• Don Saturnino - Nuno ni Crisostomo Ibarra na kinikilalang naging dahilan ng pagkasawi ng nuno ni Elias.
• Don Pedro - Nuno ni Crisostomo Ibarra.
• Kapitana Maria - Tanging babaeng makabayan na pumapanig sa pagtatanggol ni Ibarra sa alaala ng ama.
• Nol Juan - Siya ang tagapamahala ni Crisostomo Ibarra sa pagpapagawa ng kaniyang paaralan.
• Kapitan Pablo - Siya ang puno ng mga tulisan at itinuturing na ama ni Elias.