lesson 10

• Sarbey


  Ginagamit upang mangalap ng datos mula sa sample ng isang populasyon
• Sarbey


  • Ginagamit sa pagkuha ng opinyon, mga siyentipikong layunin tulad ng kalusugan at medisina, marketing research, sikolohiya, at sosyolohiya
  • Nakasalalay ang tagumpay nito sa kahusayan ng pagpili sa mga sample ng isang populasyon
• Pagsasagawa ng sarbey


  1. Pag-aralan at piliing mabuti ang mga aytem o tanong na gagamitin

  2. Tukuyin kung sino at saan gagawin ang pagsasarbey

  3. Kunin ang resulta ng sarbey at gawan ng interpretasyon ang nalikom na datos
• Talatanungan


  Ginagamit sa pagpapasarbey, pinasasagutan sa mga kalahok o respondente ng pag-aaral
• Layunin ng paggawa o pagdidisenyo ng talatanungan


  • Makakuha ng feedback o puna sa partikular na grupo ng mga tao upang alamin ang kanilang mga kagustuhan at pangangailangan
  • Maglarawan ng populasyon
  • Paghambingin ang dalawa o higit pang uri ng populasyon
• Mga bagay na dapat isaalang-alang bago gumawa ng sarbey


  • Ano ang target na populasyon na gustong makuhanan ng feedback?
  • Ano ang paraang gagamitin sa pagsasagawa ng sarbey?
  • Direkta bang makikipag-ugnayan sa mga tao? Irerekord ba ang kanilang puna? O ibibigay na lamang ba sa kanila ang talatanungan?
• Mga aytem o tanong sa talatanungan


  • Magpokus sa mga pangyayari na ipinalalagay na nasaksihan o naranasan na ng mga respondente
  • Makakuha ng malalim na impormasyon hinggil sa obserbasyon, damdamin, at ebalwasyon sa isang bagay ng mga respondente
  • Iwasan ang mga komplikadong salita, jargon, at pangungusap na mahirap maunawaan
  • Kung pipiliin ang saradong uri ng mga tanong, madali itong maintindihan at mabilis itong masusuri ng mga respondente
  • Kung pipiliin ang nakabukas na uri ng mga tanong, bigyan ng sapat na panahon ang mga respondente na magsagot batay sa sarili nilang kaalaman o palagay
• Mga bentaha ng pagpapasagot ng talatanungan


  • Madaling gawin ang talatanugan
  • Madaling i-tabulate ang mga sagot ng mga respondente
  • Malaya ang mga sagot ng mga respondente
  • Maaaring magbigay ng kumpidensiyal na impormasyon ang mga respondente
  • Maaaring sagutan ng mga respondente ang talatanungan sa oras na gusto nila
  • Higit na wasto o accurate ang mga sagot ng respondente
• Mga desbentaha ng pagpapasagot ng talatanungan


  • Hindi ito maaaring sagutan ng mga hindi marunong bumasa at sumulat o iyong mga illiterate
  • Maaaring makalimutang sagutan o sadyang hindi sagutan ng ilang respondente ang talatanungan, kaya't nangangailangan pa ito ng pagpapaalala o follow-up ng mananaliksik
  • Maaaring hindi sagutan o masagutan ng respondente ang ilang aytem sa talatanungan
  • Maaaring hindi maunawaan ng respondente ang ilang katanungan sa talatanungan
  • Maaaring maging napakalimitado ng mga pagpipilian kaya't ang tunay na sagot ng mga respondente ay wala sa pagpipilian