4

• Obhetibo at Lohikal- nakabatay sa mga datos at impormasyong maingat na sinaliksik, kinalap, tinaya, at sinuri.
• Sistematiko- mga hakbang o proseso tungo sa pagpapatunay ng isang kongklusyong obhetibo at lohikal na nabuo bunga ng masusing pag-aaral.
• Kontrolado- ito’y upang matiyak ang proseso at resulta ay manatiling wasto.
• Emperikal- ang pananaliksik ay batay sa mga karanasan at naobserbahan ng mananaliksik
• Analitikal - ang mga datos at impormasyong nakalap ay masusing sinuri at hinimay upang obhetibong maintindihan ang mga kahulugan nito
• Orihinal -ang orihinal ay isang mahalagang katangian lalo na kung wala pa o kaunti pa lang ang nasasaliksik tungkol sa isang paksa.
• Napapanahon o maiiugnay sa kasalukuyan -nakabatay sa kasalukuyang panahon(tukoy nito ang petsa at taon), nakasasagot sa suliraning kaugnay ng kasalukuyan, at ang kalalabasan ay maaaring nakabatay sa desisyong pangkasalukuyan.
• Dumaan sa mahigpit, masusi, at maingat na pagsusuri - ang kahigpitan ng prosesong pinagdadaanan ng isang papel-pananaliksik ay isang salik na nakapagtataas sa kalidad nito. Sapagkat, ang paghanap ng katotohanan ang pangunahing layunin ng pananaliksik, ang masusi at mapanuring pag-iimbestiga ay mahalaga upang makatiyak na ang kongklusyong nakarating ay wasto o tumpak.
• Wasto at mapatutunayan-isaasahang ang mga resulta at kongklusyon ay wasto at mapatutunayan sapagkat ang pananaliksik ay dumaraan sa tamang proseso.
• Masinop, Malinis at Tumutugon sa Pamantayan-nararapat itong sumunod sa pamantayang inilahad at kakikitaan ng pagiging masinop at malinis sa kabuoan.
• Dokumentado -lahat ng mga ginamit na sanggunian, mga nalikom na mga impormasyon at datos ay maayos at organisadong naitala.
• Etikal -mahalagang katangian ng isang pananaliksik ang pag respeto sa mga karapatan ng tao, sa mga bagay na may buhay at sa kapaligiran.