Mga Pang-ugnay sa Pagsusunod-sunod ng mga Pangyayari

• Pang-ugnay


  Mga salitang nagsisilbing tulay sa pagitan ng mga bahagi ng dalawang pahayag. Tumutulong din ito upang madala ang diwa ng isang pangungusap patungo sa isa pang pangungusap o talata patungo sa iba pang talata. Pinag-uugnay ng pangugnay ang mga pangungusap at talata nang maging makinis ang takbo ng pahayag at magkaroon ng biglaang pagtalon o pagputol ng mga ideya
• Tatlong Kaparaanan sa Pagsusunod-sunod ng Ideya

  1. Kronolohikal
  2. Prosidyural/Pamanuto
  3. Sikuwensiyal
• Kronolohikal


  Isinasaayos ang mga pahayag batay sa tiyak na salik o katangian. Karaniwan, pinagsusunod-sunod ang mga pangngalan gamit ang pamilang na panunuran o ordinal na pang-uri.

  
  

  Hal: Unang, pangalawa, pangatlo
• Prosidyural/Pamanuto


  Tinatawag na prosidyural kapag naglalahad ang pahayag ng mga hakbang sa pagsasagawa ng isang bagay. Nagbibigay-halaga ito sa wastong pagkakasunod-sunod ng mga hakbang o paraan tungo sa tiyak na pagtatapos ng isang gawain.

  
  

  Hal: Unang hakbang, Ikalawang hakbang, Ikatlong hakbang
• Sikuwensiyal


  Nakabatay sa serye ng mga magkakaugnay na pangyayari sa isa't isa. Humahantong ito sa kahinatnan ng wakas na siyang karaniwang paksa ng teksto.

  
  

  Hal: Noong unang panahon, isang araw
• Pagbubuod


  Lagom o pinaikling salaysay ng mga tagpo sa isang nabasa o napakinggan teksto. Samakatuwid, ito ang kabuoan ngunit nasa pinakamaikiling paraang maisasalaysay ang isang akda
• Mga dapat isaalang-alang sa pagbubuod

  1. Pagbasa nang maigi sa kabuuan ng akda
  2. Paggamit ng sariling termino o pananalita
  3. Maikli ngunit taglay ang mahahalagang pangyayari
  4. Paghahati ng akda sa tatlong bahagi (Simula, Gitna, Wakas)