karunungang bayan

• Ano ang mga ipinagmamalaking panitikan ng Pilipinas?

  Ang mga panitikang ito ay nagpapakilala ng mga katangian, pag-uugali, gawi, saloobin at mga paniniwala ng ating bayan.
• Bakit itinuturing na mayaman at masining ang Panitikang Filipino?

  Dahil nagtataglay ito ng mga katangiang nakatutulong sa pagpapanatili at pagpapayaman ng ating bansa.
• Ano ang papel ng panitikan ng bawat lahi sa kanilang kultura?

  Ang panitikan ay salamin ng nakaraan, kasalukuyan, at hinaharap ng isang bansa o lahi.
• Ano ang tinutukoy na karunungang-bayan sa Pilipinas?

  Ang karunungang-bayan ay panitikang nagtataglay ng kasaysayan ng ating lahi bago pa man dumating ang mga dayuhan.
• Ano ang mga bahagi ng karunungang-bayan sa Pilipinas?

  • Salawikain
  • Sawikain/idyoma
  • Kasabihan
  • Bugtong
  • Palaisipan
  • Bulong
• Ano ang layunin ng salawikain sa panitikang Pilipino?

  Ang salawikain ay nagsisilbing batas at tuntunin ng kagandahang-asal na naglalayong mangaral at umakay sa mga kabataan.
• Ano ang halimbawa ng salawikain?

  Aanhin pa ang damo kung patay na ang kabayo.
• Ano ang katangian ng sawikain o idyoma?

  Ang sawikain ay nagtataglay ng talinghaga o eupemistikong pahayag na may nakatagong kahulugan.
• Ano ang halimbawa ng sawikain?

  Bagong-bata - binata; balat sibuyas - iyakin.
• Ano ang layunin ng kasabihan sa panitikang Pilipino?

  Ang kasabihan ay ginagamit sa panunukso o pagpuna sa kilos ng isang tao.
• Ano ang halimbawa ng kasabihan?

  Putak, putak batang duwag, matapang ka't, nasa pugad.
• Ano ang layunin ng bugtong sa panitikang Pilipino?

  Ang bugtong ay pahulaan sa pamamagitan ng paglalarawan na may iisang sagot.
• Ano ang halimbawa ng bugtong?

  Bungbong kung liwanag, kung gabi ay dagat. Sagot: banig.
• Ano ang layunin ng palaisipan sa panitikang Pilipino?

  Ang palaisipan ay gumigising sa isipan ng mga tao upang bumuo ng isang kalutasan sa isang suliranin.
• Ano ang halimbawa ng palaisipan?


  Sa isang kulungan ay may limang baboy na inaalagaan si Mang Juan. Tumalon ang isa. Ilan ang natira? Sagot: Lima.
• Ano ang layunin ng bulong sa panitikang Pilipino?

  Ang bulong ay kalimitang ginagamit sa pangkulam o pangontra sa kulam, engkanto, at masasamang espiritu.
• Ano ang halimbawa ng bulong?

  Tabi tabi po, hindi po namin kayo nakikita.