a.p (produksiyon)

• Ano ang kahulugan ng produksiyon?

  Ang produksiyon ay proseso ng pagpapalit anyo ng produkto sa pamamagitan ng pagsasama-sama ng mga salik upang makabuo ng output.
• Bakit hindi lahat ng bagay sa kapaligiran ay maaaring ikonsumo agad ng tao?

  Dahil minsan kailangan pang idaan sa proseso ang isang bagay upang maging higit na mapakinabangan.
• Paano nagiging kapaki-pakinabang ang kahoy o troso?

  Maaaring gamiting panggatong o makabuo ng mesa.
• Ano ang mga input sa produksiyon?

  Ang mga input ay ang mga bagay na kinailangan upang mabuo ang produkto.
• Ano ang output sa halimbawa ng produksiyon ng mesa at silya?

  Ang output ay ang mesa at silya.
• Ano ang mga salik ng produksiyon?

  • Lupa
  • Paggawa
  • Kapital
  • Entrepreneurship
• Ano ang kahulugan ng lupa bilang salik ng produksiyon?

  Ang lupa ay hindi lamang tumutukoy sa tinataniman kundi kasama rin ang lahat ng yamang likas sa ibabaw at ilalim nito.
• Bakit mahalaga ang wastong paggamit ng lupa?

  Dahil ang lupa ay may naiibang katangian sapagkat ito ay fixed o takda ang bilang.
• Ano ang papel ng mga manggagawa sa produksiyon?

  Kailangan ang mga manggagawa sa transpormasyon ng mga hilaw na materyales sa pagbuo ng tapos na produkto o serbisyo.
• Ano ang tawag sa kakayahan ng tao sa produksyon ng kalakal o serbisyo?

  Ang lakas-paggawa.
• Ano ang dalawang uri ng lakas-paggawa?

  Ang mga manggagawang may kakayahang mental (white-collar) at mga manggagawang may kakayahang pisikal (blue-collar).
• Ano ang tawag sa pakinabang ng manggagawa sa ipinagkaloob na paglilingkod?

  Sahod o suweldo.
• Ano ang papel ng kapital sa produksiyon?

  Ang kapital ay tumutukoy sa kalakal na nakalilikha ng iba pang produkto at nagpapabilis ng paggawa.
• Ano ang kabayaran sa paggamit ng kapital sa proseso ng produksiyon?

  Interes.
• Ano ang entrepreneurship bilang salik ng produksiyon?

  Ang entrepreneurship ay tumutukoy sa kakayahan at kagustuhan ng isang tao na magsimula ng isang negosyo.
• Ano ang mga katangian ng isang matagumpay na entrepreneur?

  1. Kakayahan sa pangangasiwa ng negosyo. 2. Matalas na pakiramdam hinggil sa pagbabago sa pamilihan. 3. May lakas ng loob na humarap at makipagsapalaran.
• Ano ang tawag sa kita ng isang entrepreneur matapos magtagumpay sa negosyo?

  Tubo o profit.
• Bakit sinasabing hindi nakatitiyak ang entrepreneur sa kaniyang tubo?

  Dahil hindi pa niya alam ang kahihinatnan ng kaniyang pagnenegosyo.
• Ano ang kahalagahan ng produksiyon at ng mga salik nito sa ating pang-araw-araw na buhay?

  • Tumutugon sa ating pangangailangan.
  • Nagbibigay ng mga produkto at serbisyo.
  • Mahalaga ang mga salik tulad ng lupa, paggawa, kapital, at entrepreneurship sa prosesong ito.
• Ano ang dapat isulat sa concept map tungkol sa mga salik ng produksiyon?

  Ang kahalagahan ng bawat isa sa proseso ng produksiyon.