Panahon ng Pagsasarili

• Noong Marso 24, 1934, pinagtibay ni Pangulong Franklin D. Roosevelt ng Estados Unidos ang Batas Tydings-McDuffie na nagtatadhanang pagkakalooban ng kalayaan ang Pilipinas matapos ang sampung taong pag-iral ng Pamahalaang Komonwelt.
• Noong Pebrero 8, 1935, pinagtibay ng Pambansang Asamblea ang Konstitusyon ng Pilipinas na niratipika ng sambayanan noong Mayo 14, 1935
• Ang probisyong pangwika ay nasa Seksiyon 3, Artikulo XIII: "Ang Pambansang Asamblea ay gagawa ng mga hakbang tungo sa pagpapaunlad at pagpapatibay ng isang pangkalahatang pambansang wika na batay sa isa sa mga umiiral na katutubong wika.
• Ang nanguna sa paggawa ng resolusyon tungkol sa wikang pambansa ay si Wenceslao Q. Vinzons, kinatawan mula sa Camarines Norte.
• Ayon sa orihinal na resolusyon, "Ang Kongreso ay gagawa ng mga hakbang tungo sa pagpapaunlad at pagpapatibay ng isang Wikang Pambansa batay sa mga umiiral na katutubong wika."
• Ang Style Committee ang nagbibigay ng huling pasiya sa borador ng Konstitusyon, kaya't nang dumaan ang dokumento ng orihinal na resolusyon sa kanila, nagkaroon ng pagbabago sa resolusyon.
• Binago ng Style Committee ang resolusyon at naging probisyon ito sa Seksiyon 3, Artikulo XIV ng Konstitusyon ng 1935: "Ang Kongreso ay gagawa ng hakbang tungo sa pagpapaunlad at pagpapatibay ng isang Wikang Pambansa batay sa isa sa mga umiiral na katutubong wika."
• Isa sa mga unang isinagawa ng administrasyong Komonwelt ng noon ay pangulo ng bansa si Manuel L. Quezon ang pagpapatupad ng probisyon ukol sa pambansang wika.
• Noong Oktubre 27, 1936, ipinahiwatig ni Pangulong Quezon ang kaniyang plano na magtatag ng Surian ng Wikang Pambansa (SWP).
• Noong Nobyembre 13, 1936, pinagtibay ng Kongreso ang Batas Komonwelt Blg. 184, na nagtatag sa unang Surian ng Wikang Pambansa.
• Noong Enero 12, 1937, hinirang ni Pangulong Quezon ang mga kagawad ng Surian alinsunod sa Seksiyon 1, Batas Komonwelt 185.
• Ang mga kagawad ng unang Surian ng Wikang Pambansa ay sina:

  • Jaime C. de Veyra (Samar-Leyte) Pangulo
  • Santiago A. Fonacier (Ilokano) Kagawad
  • Filemon Sotto (Cebuano) Kagawad
  • Casimiro F. Perfecto (Bikol) Kagawad
  • Felix S. Salas (Panay) Kagawad
  • Hadji Butu (Moro) Kagawad
  • Cecilio Lopez (Tagalog) Kagawad
• Hindi tinanggap ni Sotto ang kaniyang posisyon at pinalitan siya ni Isidro Abad.
• Noong Nobyembre 7, 1937, pagkaraan ng halos sampung buwan, inilabas ng Surian ang resolusyon na Tagalog ang gawing batayan ng pambansang wika.
• Noong anibersayo ng kamatayan ni Dr. Jose P. Rizal, Disyembre 30, 1937, lumabas ang Kautusang Tagapagpaganap Blg. 134 na nagpapatibay sa Tagalog bilang batayan ng pambansang wika ng Pilipinas.