Pagsulat ng Tula

• Tema

  • Anong paksa ang nais sulatin?
  • Ano ang maidadulot nito sa iyo at sa iyong mga mambabasa?
• Pamagat

  • Mahalaga bumuo ng pamagat sa pagsisimula pa lamang ng tula, bagaman maaari ding gawin ang pamagat pagkatapos ng tula. Importante rin na ang pamagat ay kaugnay ng nilalaman ng tula.
• Estilo

  • Tumutukoy ito sa uri o anyo ng tulang susulatin. Malayang taluturan ba o may sukat at tugma?
• Simbolismo

  • Nakakatulong ito upang pag-isipang mabuti ng mambabasa ang iyong tula. Ibig sabihin, hindi mo direktang tutukuyin ang nais ipahayag. Maaaring gumamit ng anumang bagay bilang simbolo ng nais mong sabihin.
• Sukat

  • Ito ang bilang ng pantig sa bawat taludtod. Maaaring magkaroon ng isang sukat sa kabuuan ng tula o kaya naman ay depende sa bubuin ng makata.
• Taludtod

  • Tumutukoy ito sa linya o hanay ng mga salita sa isang tula.
• Saknong

  • Ito ang pinagsama-sama o kalipunan ng taludtod. Maaaring dalawahan (kopla), tatluhan (terseto), apatan (kwarteto), limahan (kinteto), at animan (seset).
• Inspirasyon

  • Bakit at para kanino ka susulat ng tula?
  • Walang maglilimita sa iyo sa pagpili ng inspirasyon.
  • Ito ang magdudulot sa iyo ng kawiling sumulat at makalikha ng isang maituturing mong obra.