ap pagkonsumo

• Ano ang layunin ng aralin sa salik na nakakaapekto sa pagkonsumo?

  1. Nasusuri ang mga salik na nakakaapekto sa pagkonsumo.
• Ano ang pagkonsumo?


  Ang pagkonsumo ay ang pagbili o paggamit ng mga produkto o serbisyo upang matugunan ang mga pangangailangan at kagustuhan ng tao.
• Ano ang mga uri ng pagkonsumo?

  1. Tuwirang Pagkonsumo
  2. Produktibong Pagkonsumo
  3. Maaksayang Pagkonsumo
  4. Mapanganib na Pagkonsumo
  5. Lantad na Pagkonsumo
• Ano ang tuwirang pagkonsumo?

  Ang tuwirang pagkonsumo ay paggamit ng produkto na dagliang natatamo ang kapakinabangan ng produktong kinonsumo.
• Ano ang halimbawa ng tuwirang pagkonsumo?

  Kapag ang isang tao ay nauuhaw siya ay kaagad na umiinom ng tubig para mapawi ang kaniyang pagkauhaw.
• Ano ang produktibong pagkonsumo?

  Ang produktibong pagkonsumo ay ang paggamit ng produkto upang makabuo ng iba pang produkto na mas kapaki-pakinabang para sa lahat.
• Ano ang halimbawa ng produktibong pagkonsumo?

  Ang isang modista ay gumagamit ng sinulid at tela sa paggawa ng damit.
• Ano ang maaksayang pagkonsumo?

  Ang maaksayang pagkonsumo ay pagbili o paggamit ng produktong labis sa pangangailangan.
• Ano ang halimbawa ng maaksayang pagkonsumo?

  Pabayang paggamit ng tubig na hinahayaang tumutulo mula sa gripo.
• Ano ang mapanganib na pagkonsumo?

  Ang mapanganib na pagkonsumo ay pagbili o paggamit ng produkto o serbisyo na maaaring makasama sa kalusugan o sa kapaligiran.
• Ano ang halimbawa ng mapanganib na pagkonsumo?

  Ang paggamit ng sigarilyo at pag-inom ng alak.
• Ano ang lantad na pagkonsumo?

  Ang lantad na pagkonsumo ay pagbili o paggamit ng produkto para lamang ipagmalaki sa iba kahit walang sapat na kakayahan.
• Ano ang halimbawa ng lantad na pagkonsumo?


  Pag-inom ng milk tea kahit wala nang pambili ng pagkain o gamit sa pag-aaral.
• Ano ang mga salik na nakakaapekto sa pagkonsumo?

  1. Pagbabago sa presyo
  2. Kita
  3. Mga inaasahan
  4. Pagkakautang
  5. Demonstration effect/Pag-aanunsiyo
  6. Okasyon
  7. Pagpapahalaga ng tao
  8. Panahon
• Ano ang epekto ng pagbabago sa presyo sa pagkonsumo?


  Kapag mura ang presyo ng isang produkto mas nagkakaroon tayo ng kakayahang bilhin ito kumpara sa mahal na presyo.
• Ano ang epekto ng kita sa pagkonsumo ayon kay John Maynard Keynes?


  Habang lumalaki ang kita ng tao ay lumalaki rin ang kaniyang kakayahang bumili ng mga produkto at serbisyo.
• Ano ang sinasabi ni Ernst Engel tungkol sa kita at pagkonsumo?

  Habang lumalaki ang kita ng tao, mas nagiging prayoridad niya ang kagustuhan kumpara sa pangangailangan.
• Ano ang okasyon sa konteksto ng pagkonsumo?

  Ito ay bahagi ng ating kultura, kung saan tayo ay nagdiriwang ng mahahalagang selebrasyon tulad ng pasko at kaarawan.
• Ano ang pag-aanunsiyo sa konteksto ng pagkonsumo?

  Ito ay isang pamamaraan upang hikayatin ang mga konsyumer na tangkilikin ang isang produkto o serbisyo.
• Ano ang bandwagon sa mga paraan ng pag-aanunsiyo?

  Gumagamit ito ng maraming tao para ipakita na maraming gumagamit ng nasabing produkto o serbisyo.
• Ano ang testimonial sa mga paraan ng pag-aanunsiyo?

  Gumagamit ito ng mga kilalang personalidad na nanghihikayat sa mga tao na gumamit ng produktong kanilang ginagamit.
• Ano ang brand name sa mga paraan ng pag-aanunsiyo?

  Ipinapakilala nito ang tatak ng produkto o serbisyo.
• Ano ang fear/scary sa mga paraan ng pag-aanunsiyo?

  Gumagamit ito ng pananakot sa hindi paggamit ng produkto o serbisyo.
• Ano ang batas ng pagkakaiba-iba (law of variety)?

  Ayon sa batas na ito, ang tao ay gumagamit o bumibili ng mga bagay na magkakaiba upang makamit ang satispaksiyon.
• Ano ang batas ng pagkabagay-bagay (law of harmony)?

  Ayon sa batas na ito, ang tao ay mahilig bumili ng bagay na may kakomplementaryo o kabagay.
• Ano ang batas ng imitasyon (law of imitation)?

  Ayon sa batas na ito, ang tao ay mas nasisiyahan kung ang kanyang binili ay katulad ng kaniyang paboritong artista o sikat na tao.
• Ano ang batas ng kaayusang ekonomiko (law of economic order)?

  Ayon sa batas na ito, ang kasiyahan ng kumukonsumo ay mas mataas kung mas nauuna niyang bilhin ang mas kailangan bago ang kagustuhan.
• Ano ang batas ng lumiliit na pakinabang (law of diminishing utility)?

  Ayon sa batas na ito, ang paggamit o pagbili ng isang bagay na paulit-ulit ay nakababawas sa satispaksiyon na nararamdaman ng isang tao.
• Ano ang utility sa konteksto ng pagkonsumo?

  Utility ay tumutukoy sa sukat ng kasiyahan o satispaksyon sa pagkonsumo ng produkto o serbisyo.
• Ano ang marginal utility?

  Marginal utility ay ang karagdagang kasiyahan ng indibidwal sa pagkonsumo ng isang karagdagang yunit ng produkto o serbisyo.
• Ano ang total utility?

  Total utility ay ang kabuuang kasiyahan na nakukuha sa pagbili at paggamit ng mga produkto at serbisyo.
• Ano ang mga karagdagang gawain na nakasaad sa aralin?

  • Paggawa ng Anunsiyo
  • Pagsumite sa Oktubre 10, 2022
  • Maaring binubuo ng isang mag-aaral o higit pa, hindi lalampas sa 8 na mag-aaral.
• Ano ang rubriks sa pagmamarka sa A.P. google classroom?

  Makikita ang rubriks sa pagmamarka sa ating A.P. google classroom.