Tula

• Ang tula ay isang akdang pampanitikang naglalarawan ng buhay, hinango sa guniguni, pinararating sa ating damdamin, at ipinahahayag sa pananalitang may angking aliw-iw at indayog. Ito ay naiiba sa ibang sangay ng panitikan sapagkat ito ay nangangailangan ng masusing pagpili ng mga salita, pagbilang ng mga pantig, at paggamit ng magkakatugmang salita upang madama ang isang damdamin o kaisipang nais ipahayag ng isang makata.
• 1. Sukat

  • Isa sa mga mahahalagang elemento ng tula ang sukat o ang bilang ng mga pantig sa bawat taludtod ng saknong. Karaniwang gamitin ang labindalawa, labing-anim, at ang labingwalong pantig.
• 2. Tugma

  • Isa sa pinakamahalagang element o sangkap ng tula ay ang pagkakaroon ng pare-parehong tunog sa dulo ng mga panghuling salita ng taludtod. Tinatawag itong tugma. Ang panghuling pantig sa dulo ng taludtod, pagkatapos ng ikaanim na pantig o katinig at binibigkas nang mabilis, malumanay, may impit sa lalamunan.
• 3. Talinghaga (Paggamit ng Tayutay o Idyoma)

  • Ito ay sadyang paglayo sa paggamit ng mga pangkaraniwang salita upang maging kaakit-akit at mabisa ang pagpapahayag. Ang mga sumusunod ay mga halimbawa ng mga pangungusap na nagtataglay ng matalinhagang pahayag o salita.
• 4. Larawang-diwa (Imagery)

  • Ito ay mga salitang binabanggit sa tula na nag-iiwan ng malinaw at tiyak na larawan sa isipan ng mambabasa.Isang tawag niya’y tatalikdang pilit.
• 5. Simbolismo (Symbolism)

  • Ito ang mga salita sa tula na may kahulugan sa mapanuring isipan ng mambabasa.

  Halimbawa:

  puno – buhay         tinik – pagsubok / hirap

  ilaw – pag-asa          Bathala – panginoon
• 6. Kariktan – pagsasama-sama ng mga katangiang nagpapatingkad sa katangian ng tula at pumupukaw sa mayamang imahinasyon ng bumabasa.
• ANO ANG MGA ANYO NG TULA?

  (1) Tradisyunal – ito ay tulang may sukat at tugma. Ang mga salitang kadalasang ginagamit sa pagbuo nito ay mga salitang may malalalim na kahulugan.

  (2) Berso Blangko – ito ay tulang may sakto ngunit walang tugma.

  (3) Malayang Taludturan – ito ay anyo ng tula na walang sukat at wala rin tugma. Ito ang siyang tinuturing na modernong anyo ng panunula.