PAGPAN

• Ang pagbabasa ay isang kakayahan kung saan nakikilala ng mambabasa ang nakasulat na simbolo at nauunawaan ang kahulugan nito
• Ang pagbabasa ay isang proseso dahil kailangan munang makilala ng mambabasa kung ano ang kinakatawan ng mga simbolo o salitang nakita
• Ang kritikal na pagbasa ay isa ring proseso dahil mabuting inuunawa ng mambabasa ang nakasulat na akda
• Sa kritikal na pagbasa, kasama ang pagsusuri sa kahalagahan ng impormasyong nakuha ng mambabasa sa akda at kung paano o saan ito mailalapat
• Mga kasanayang kailangan ng mambabasa:

  • Nakakikilala ng mga salita (Word perception/recognition)
  • Nakauunawa sa tekstong binabasa (Comprehension)
  • Nakauunawa sa bawat salita ng teksto at may katatasan dito (Decoding)
  • Nabibigkas nang wasto ang mga titik na bumubuo sa salita (Fluency)
  • Nababatid ang kahulugan at gamit ng salita sa pangungusap o may kakayahang bokabularyo (Vocabulary)
  • Nagpapakita ng pagpapahalaga sa panitikan (Literary appreciation)
• Mga teorya sa pagbasa:

  • Teoryang Bottom-up: Sinasabi na ang proseso ng pagbabasa ay kapag sinusubukan ng mambabasa na maunawaan ang wika na binabasa sa pamamagitan ng pagtingin ng kahulugan ng salita o uri ng balarila ng isang payak na yunit ng teksto
  • Teoryang Top-down: Nahihinuha ng mambabasa ang susunod na pangyayari gamit ang kaligirang impormasyong alam na niya
  • Teoryang Interaktibo: Mas mainam na pagsamahin ang teoryang bottom-up at top-down upang lubusang maunawaan ang isang akda
• • Teoryang Iskema: Ang konsepto na maaaring pag-ugnayin ang isang bago o komplikadong konsepto base sa dati nang kaalaman o prior knowledge
• Dimensiyon ng pagbasa:

  • Unang Dimensiyon (Pag-unawang Literal): Tinutukoy ng mambabasa ang mga ideya mula sa impormasyong nabasa sa teksto sa pamamagitan ng literal at tuwirang gamit ng mga salita
  • Ikalawang Dimensiyon (Interpretasyon): Nababatid ng mambabasa ang nais ipahiwatig ng may-akda at nakapagmamalas siya ng pang-unawa sa mga impormasyong nakuha
  • Ikatlong Dimensiyon (Mapanuri o Kritikal na Pagbasa)
• Masaklaw na Pagbasa (Skimming):

  • Pinakamadali at pinakamabilis na paraan ng pagbabasa
  • Nakatuon sa pamagat o heading ng talata at simula lamang ng pangungusap upang makuha ang pangunahing ideya ng teksto at ang pangkalahatang layunin nito
• Masusing Pagbasa (Scanning):

  • Masusing pagtingin sa babasahing material
  • Ginagamit kung may tiyak na impormasyon na nais hanapin ang mambabasa
  • Layunin na makuha ang mahahalagang detalye o kaisipang ipinahahayag sa teksto
• Pagalugad na Pagbasa (Exploratory Reading):

  • Ginagawa kung ibig malaman ang kabuuan ng isang babasahin
  • Angkop sa pagbasa ng mga artikulo sa magasin o maikling kuwento
• Mapanuring Pagbasa (Analytical Reading):

  • Sinusuri ang kaugnayan ng mga salita at talata upang mahanap ang kabuluhan ng ipinahihiwatig na mensahe
  • Nahahasa ang kahusayan ng estudyante sa pamamagitan ng mapanuring pag-iisip
• Kritikal na Pagbasa (Critical Reading):

  • Sinisiyasat ang mga ideya at saloobin ng teksto
  • Pinag-iisipan kung wasto ang impormasyon
  • Masusuri ang kalakasan at kahinaan ng mga paksa at ang kaugnayan nito sa estilo ng pagsusulat ng may-akda
• Malawak na Pagbasa (Extensive Reading):

  • Nagbabasa ng iba't ibang akda bilang libangan at pampalipas oras
  • Pinipili ang mga aklat na interesante tulad ng magasin, komiks, o anumang akda na nakatatawa o magaang basahin
• Malalim na Pagbasa (Intensive Reading):

  • Kailangan ng masinsinan at malalim na pagbasa kapag nag-aaral o nagsasaliksik
  • Paghahanda sa pag-uulat o pagbuo ng pamanahong papel upang makakalap ng sapat at makabuluhang impormasyon
• Maunlad na Pagbasa (Developmental Reading):

  • Sumasailalim sa iba't ibang antas ng pagbabasa upang mahubog ang mahahalagang kasanayan sa pagbasa
  • Ginagabayan ng guro ang estudyante upang mapaunlad ang antas ng pagbasa at maging mapanuri at mapagsiyasat kapag nagbabasa
• Tahimik na Pagbasa (Silent Reading):

  • Ginagamit ang mga mata sa pagbabasa
  • Nakatutok sa tekstong binabasa upang ganap itong maunawaan
• Malakas na Pagbasa (Oral Reading):

  • Binibigkas ang teksto o kuwentong binabasa sa paraang masining at may damdamin
  • Malinaw at malakas ang boses
  • Wasto ang pagbigkas at angkop na tono habang nagbabasa upang makuha ang atensiyon ng mga tagapakinig
• Proseso ng Pagbasa:

  • Persepsiyon o Pagkilala: pagkilala sa mga simbolong nakasulat at kakayahan na makilala ito sa pamamagitan ng pagbigkas ng mga tunog
  • Komprehensiyon o Pang-unawa: nauunawaan ang nakasulat na salita o simbolo batay sa nakalap na impormasyon
  • Reaksiyon: nagbibigay ng puna, saloobin, pasiya, o hatol tungkol sa akdang binasa
  • Asimilasyon o Integrasyon: pagsasama, pagsasanib, at pag-uugnay ng nakaraang karanasan at bagong karanasan sa buhay