Korido

• Ang pagdating ni Ferdinand Magellan noong Marso 16, 1521 ang simula ang nagsimula ng pagdating ng Espanyol.
• Ang pananakop ay nagsimula noong 1565 sa pagdating ni Miguel Lopez de Legaspi.
• Ang 3 pangunahing layunin ng mga Espanyol ay:

  Palaganapin ang Katolisismo

  Palawakin ang kapangyarihan sa pananakop

  Paghanap ng mga pampalasa, likas-yaman, at hilaw na materyal
• Sinunog ng mga Espanyol ang mga nakasulat na panitikan ng mga Pilipino upang maipalaganap ang Katolisismo at pinalitan ng mga panitikang pumapaksa sa Kristiyanismo.
• Naging mapanghuwad o magkatulad sa Espanyol ang mga panitikan ng Pilipinas.
• Ang 2 larangan ay ang panulaan at dula.
• Lumaganap sa larangang panulaan ang:

  Tulang liriko

  Awit

  Korido

  Pasyon
• Lumaganap sa larangang dula ang:

  Duplo

  Karagatan

  Komedya o Moro-moro

  Dulang panrelihiyon

  Senakulo

  Sarsuwela
• Akdang tuluyan o prosa ay may paksang panrelihiyon at karaniwang tungkol sa talambuhay ng mga santo.
• Ang sumulat ng aklat na Panitikan ng Pilipinas ay si Jose Villa Panganiban.
• Ayon kay Jose Villa Panganiban sa aklat na Panitikan ng Pilipinas, ang panitikan noong panahon ng Espanyol ay:

  May sari-saring kaanyuan at pamamaraan

  Karaniwang paksain ay panrelihiyon

  Lalong nakarami ay huwad, tulad o halaw sa anyo, paksa, o tradisyong Espanyol
• Tulang romansa ay panitikang nagbibigay-halaga sa Kristiyanismo. Ito ay nahahati sa dalawa, ang awit at korido.
• Tulang romansa ay nagsisimula sa panalangin o pag-aalay ng akda sa Birhen o santo.
• Tulang romansa ay pumapatungkol sa pakikipagsapalaran at kabayanihan. Ang karakter ay nagtatagumpay dahil sa mataimtim na pananalig niya sa Diyos.
• Batay sa anyo, ang awit ay may 12 pantig sa isang taludtod at 4 na taludtod sa isang taludturan. Ang korido naman ay may 8 pantig sa isang taludtod at 4 na taludtod sa isang taludturan.
• Batay sa musika, ang awit ay mabagal o tinatawag na andante. Ang korido naman ay mabilis o tinatawag na allegro.
• Batay sa paksa, ang awit ay tungkol sa bayani, mandirigma, at larawan ng buhay. Ang korido naman ay tungkol sa pananampalataya, alamat, at kababalaghan.
• Ang katangian ng mga tauhan sa awit ay walang kapangyarihang supernatural.
• Ang katangian ng mga tauhan sa korido ay may kapangyarihang supernatural.
• Mga halimbawa ng awit ay:

  Florante at Laura

  Pitong Infantes De Lara

  Doce Pares ng Pransya

  Haring Patay
• Mga halimbawa ng korido ay:

  Ang Ibong Adarna

  Kabayong Tabla

  Ang Dama Ines

  Prinsipe Florinio
• Ayon kay Pura Santillan-Castrence, ang Ibong Adarna ay hinango sa mga kuwentong-bayan sa mga bansa sa Europa tulad mg Romania, Denmark, Austria, Alemanya, at Finland.
• Hindi bahagi ng Panitikang Pilipino ang Ibong Adarna dahil hiram lamang ang kasaysayan nito.
• Tulang romansa ay nakilala sa Europa noong Panahong Medieval o Middle Ages.
• Nakarating ang tulang romanasa noong 1610 mula Mexico.