pananaliksik

• Ang kritikal na pag-iisip ay ang kakayahang masuri at mapag-aralang mabuti ang nakalap na impormasyon at bumuo ng isang paghatol.
• Ang disiplinadong pagtatanong ay pagtuklas ng pag-aaral na nagbibigay ng pamantayan para sa pagsasagawa ng pananaliksik upang lumikha ng kaalaman.
• Aquino (1974). Ang pananaliksik ay isang sistematikong paghahanap sa mga mahahalagang informasyon hinggil sa isang tiyak na paksa o suliranin. Matapos suriin at lapatan ng interpretasyon ng mananaliksik ay haharap siya sa paghahanda ng kanyang ulat- pananaliksik.
• Manuel at Medel (1976).

  Ang pananaliksik ay isang proseso ng pangangalap ng mga datos o informasyon upang malutas ang isang partikular na suliranin sa isang syentifikong pamamaraan.
• Good(1963)

  Ang pananaliksik ay isang maingat, kritikal, disiplinadong inquiry sa pamamagitan ng iba't ibang teknik at paraan batay sa kalikasan at kalagayan ng natukoy na suliranin tungo sa klaripikasyon at/o resolusyon.
• Parel (1966)

  Ang pananaliksik sistematikong pag-aaral o investigasyon sa isang bagay sa layuning masagot ang mga katanungan ng isang mananaliksik.
• E. Trece at J. W. Trece (1973)

  Ang pananaliksik ay isang pagtatangka upang makakuha ng mga solusyon sa mga suliranin. Dagdag pa, ito ay isang pangangalap ng mga datos sa isang kontroladong sitwasyon para sa layunin ng prediksyon at explanasyon.
• Maka-Pilipinong Pananaliksik

  Ang pagbuo ng kalingan sa pananaliksik na nagmumula at ginagabayan ng sariling karanasan, umuugat sa aral ng kasaysayan, at nagsisilbing para sa sambayanan ay nananatiling hamon para sa mga Pilipinong iskolar at mananaliksik.
• Mga dapat isaalang-alang sa Maka-Pilipinong Pananaliksik:

  • Gumagamit ng wikang Filipino at/o katutubong wika sa Pilipinas at tumatalakay sa paksang mas malapit sa puso at isip ng mga mamamayan.
  • Pagpili ng paksang naaayon sa interes at kapaki-pakinabang sa sambayanang Pilipino
  • Komunidad ang laboratoryo ng maka=Pilipinong pananaliksik
• SISTEMATIK

  Mayroon itong proseso o magkakasunod na hakbang na dapat sundin tungo sa pagtuklas sa kasagutan sa kung anuman ang layunin ng pananaliksik.
• KONTROLADO

  Hindi dapat mabago ang mga bagay o paksang sinusuri lalo na sa eksperimental na pananaliksik dahil makaaapekto sa buong pananaliksik ang anumang pagbabagong magaganap dito.
• Emperikal

  Kailangang maging katanggap-tanggap ang mga pamamaraang ginagamit sa pananaliksik, maging ang mga datos na nakalap. Ang mga multo ay halimbawa ng di-empirikal na datos.
• MAPANURI

  Dapat suriing mabuti ang mga datos na nakalap sa pananaliksik upang hindi magkamali sa pagbibigay ng interpretasyon. Madalas na ginagamitan ng estatistika ang pagsusuri upang masabing analitikal ang proseso nito.
• OBHETIBO, LOHIKAL AT WALANG PAGKILING

  Hindi dapat mabago o mabahiran personal na saloobin ng mananaliksik, anuman ang lumbas na resuta ng kaniyang pag-aaral.
• Kwantiteytiv o Istatistikal na Metodo

  Ang mga datos ay dapat na mailahad sa pamamaraang numerical at masuri sa pamamagitan ng istatistikal na tritment upang matukoy ang kanilang gamit at kahalagahan.
• ORIHINAL NA AKDA

  Naglalaman ito ng mga datos na nakalap ng isang mananaliksik na nagmula mismo sa kanyang paghahanap at pagtuklas dahil kailangang galing sa primary sources ang mga datos. Ang kongklusyon ay hindi maaring kopyahin lang mula sa pag-aaral ng ibang mananaliksik.
• MATIYAGA AT HINDI MINAMADALI

  Kailangan pagtiyagaan ang bawat hakbang sa pananaliksik upang mapanatili ang katiyakan ng mga datos na makakalap, pati na rin ang magiging resulta nito. Pinaglalaanan ito ng sapat na panahon at ibayong pag-iingat dahil kung kabaligtaran ito, hindi magiging matagumpay ang pananaliksik at hindi magiging matibay ang mga resulta at kongklusyon.
• MATAPANG

  Dapat maging matapang ang isang mananaliksik sapagkat hindi hindi maiiwasan na makaranas siya ng di magagandang karanasan habang ginagawa ang kaniyang pananaliksik. May mga pagkakataon ding sumasang-ayon ang lipunan sa resulta ng pag-aaral; o kaya naman, maaaring magkaroon ng hindi pagkakaunawaan sa pagitan ng mga mananaliksik.
• TIYAK O AKYUREYT NA IMBESTIGASYON, OBSERBASYON AT DESKRIPSYON

  Dapat maisagawa nang tama ang bawat hakbang na gagawin sa pananaliksik upang maging tama rin ang resulta. Nararapat lamang na may kaakibat na matibay na ebidensya ang kongklusyon sa isang pag-aaral upang sumuporta rito.
• PINAGSISIKAPAN

  Walang pananaliksik na naisasagawa nang walang pagsisikap. Kailangan itong paglaanan ng panahon, talino at sipag upang maging matagumpay.
• ISANG MAINGAT NA PAGTATALA AT PAG-UULAT

  Ang maliit na pagkakamali ay maaaring makaapekto sa mga tuklas ng pananaliksik. Kailangan din itong maiulat sa pasulat na paraan sa anyo ng isang papel-pampananaliksik (hal.: pamanahong -papel, tisis at disertasyon) para sa angkop na dokumentasyon at kadalasan sa pasalitang paraan o ang tinatawag na oral presentation o defense.