Tayutay at talinhaga

• Tayutay


  Mga pahayag na ginagamit ng makata o manunulat upang sadyang ilayo sa karaniwang paggamit ang mga salita nang sa gayon ay nagkakaroon ito ng hindi lantad o nakatagong kahulugan. Natutulungan nitong maging masining, maganda, at malalim ang kahulugan ng isang akda.
• Uri ng Tayutay


  • Pagtutulad (Simili)
  • Pagwawangis (Metaphor)
  • Padiwantao (Personification)
  • Pagmamalabis (Hyperbole/Exaggeration)
  • Pagpapalit-tawag (Metonymy)
  • Pagpapalit-saklaw (Synecdoche)
  • Pagtatanong (Rhetorical Question)
  • Pagdaramdam (Exclamation)
  • Pagtawag (Apostrophe)
  • Pag-uyam (Sarcasm)
  • Talinghaga
• Pagtutulad (Simili)


  Ang pagpapahayag na ito ay naghahambing sa dalawang magkaibang bagay, tao, pangyayari, at iba pa. Katangian ng tayutay na ito ang paggamit ng mga salita at pariralang katulad ng, para ng, kawangis ng, kagaya ng, at iba pa.
• Pagtutulad (Simili)


  • Siya ay tumakbong tulad ng mailap na usa nang ako'y makita
  • Tila may daga sa dibdib ni Leah habang umaawit sa entablado
  • Ang buhay ay kagaya ng isang gulong, minsan nasa itaas ka, minsan naman nasa ibaba
• Pagwawangis (Metaphor)


  Naghahambing din ang pagwawangis na gaya ng pagtutulad. Ang pagpapahayag na ito'y tiyakang naghahambing at naiiba sa pagtutulad sa di paggamit ng mga pariralang tulad ng kawangis ng, para ng, at gaya ng.
• Pagwawangis (Metaphor)


  • Ang iyong balita ay isang punyal sa kanyang dibdib
  • Ang buhay ay isang malawak na karagatan, puno ng mga hamon at panganib na dapat lampasan
  • Ang pag-ibig ay isang bulaklak na kailangan alagaan, nagbibigay ng kagandahan at ligaya sa buhay
• Padiwantao (Personification)


  Ang pagsasalin ng talino, gawi, at katangian ng tao sa mga karaniwang bagay ay tinatawag na pagbibigay-katauhan. Naipakıkılala ito sa karaniwang paggamit ng mga pandiwa.
• Padiwantao (Personification)


  • Ang mag-anak na Reyes ay pinag patnubayan ng mabuting kapalaran, sila ay maginhawa na ngayon
• Pagmamalabis (Hyperbole/Exaggeration)


  Sa pagpapahayag na ito'y lubhang pinalalabis o pınakukulang ang tunay na kalagayan ng tao, bagay, pangyayarı, at iba pa. Bagaman nagagamit sa tuluyan, lalong angkop ito sa tula.
• Pagmamalabis (Hyperbole/Exaggeration)


  • Nakalulusaw ang mga tindig ng matandang lalaki
• Pagpapalit-tawag (Metonymy)


  Nagpapalit ng katawagan o ngalan sa bagay na tinutukoy. Ang panlaping "meta" mula sa metonymy ay nangangahulugan ng paghahalili at pagpapalit.
• Pagpapalit-tawag (Metonymy)


  • Ang iyong mga magulang ang tangi mong tagapagtanggol mula sa duyan hanggang sa hukay
• Pagpapalit-saklaw (Synecdoche)


  Ang pagpapahayag na ito'y naisasagawa sa dalawang pamamaraan: 1) Ang pagbanggit sa bahagi bilang pagtukoy sa kabuuan, 2) Ang nag-iisang tao'y kumakatawan sa isang pangkat.
• Pagpapalit-saklaw (Synecdoche)


  • Bawat kamay (tao) sa nayon ay tumutulong sa pagtatayo ng paaralan
  • Upang magtamo ng kalayaan ang bansa, isang magiting na kayumanggi (kumakatawan kay Dr. Rizal) ang nagbuwis ng buhay sa Luneta
• Pagtatanong (Rhetorical Question)


  Ginagamit sa pagpapahayag na ito ang pagtatanong upang tanggapin ang isang bagay. Ang paraang ito ay higit na mabisa at makapangyarihan kaysa karaniwang pagpapahayag.
• Pagtatanong (Rhetorical Question)


  • Ang isa kayang dalubhasa at marunong na taong nahirati sa pag-aaral ng agham ay karakarakang maniniwala sa pamahiin?
• Pagdaramdam (Exclamation)


  Ang pagpapahayag na ito'y nagsasaad ng di-pangkaraniwang damdamin.
• Pagdaramdam (Exclamation)


  • Huwag isiping ako'y nagwawalang-bahala sa iyong kasalukuyang kalagayan. Nais kitang tulungan ngunit ako'y walang lakas, nais kitang damayan ngunit wala akong pilak, nais kitang lapitan ngunit wala akong pakpak.
• Pagtawag (Apostrophe)


  Sa pagpapahayag na ito'y ginagawa ang pakikipag-usap sa karaniwang bagay o sa isang di-nadaramang kaisipan na para bang pakikipag salitaan sa isang buhay na tao o sa isang taong gayong wala nama'y parang naroroo't kaharap.
• Pagtawag (Apostrophe)


  • O, buwan, sumikat ka't aliwin mo ako sa aking pangungulila.
• Pag-uyam (Sarcasm)


  Ang pagpapahayag na ito'y pananalitang nangungutya sa tao o bagay, sa pamamagitan ng mga salitang kapag kukunin sa tiyakan ay tila kapuri-puring mga pangungusap. Ang tunay na kahulugan ng pagpapahayag na ito'y mauunawaan ayon sa paraan ng pagsasalita ng taong nangungusap.
• Pag-uyam (Sarcasm)


  • Talagang mabuting makisama ang iyong kapatid. Pagkatapos na alagaan namin siya nang may isang buwan sa ospital, kami pa ang kasama-samang tao ngayon.
• Talinghaga


  Mga salitang may malalim na kahulugan na hindi literal at nagpapahiwatig ng nakatagong hiwaga mula sa mga salitang hindi pangkaraniwan.
• Talinghaga


  • agaw-buhay - naghihingalo
  • alilang-kanin - utusang walang suweldo, pagkain lamang
  • balitang-kutsero - hindi totoo
  • balat-sibuyas - maramdamin
  • bantay-salakay - taong nagbabait-baitan
  • Kapilas ng buhay - asawa
  • Pagsusunog ng kilay - pagsisipag sa pag-aaral
  • Bukas palad - matulungin
  • Tuyo ang papel - magandang imahe