MEMORANDUM

• Memorandum o memo

  • ay isang kasulatang nagbibigay-kabatiran tungkol sa gagawing pagpupulong o paalala tungkol sa isang mahalagang IMPORMASYON, GAWAIN, TUNGKULIN o UTOS.
• Nagmula ito sa salitang Latin na memorandum est na nangangahulugang “It must be remembered.”
• Nangangahulugan din itong liham o sulat ng isa na maaaring pumapatungkol sa usaping negosyo o diplomasiya. Ito ay maaaring naglalaman ng tala o talaan, kasunduan, at imbitasyon sa pagdalo sa isang mahalagang pagpupulong o komperensya.
• Ang isang memorandum ay kadalasang sinusulat para sa mga taong nasa loob ng isang kompanya, maliit man o malaki.
• Sa memo nakasaad ang layunin o pakay ng gagawing miting na nagbibigaylinaw sa mga dadalo ng pulong kung ano ang inaasahan mula sa kanila.
• Ito ay kadalasang MAIKLI LAMANG na ang pangunahing layunin ay pakilusin ang isang tao sa isang tiyak na alintuntuning dapat isakatuparan gaya halimbawa ng pagdalo sa isang pulong pagsasagawa o pagsunod sa bagong sistema ng produksiyon o kompanya.
• Ipinadadala ng isang BOSS o taong mas may nakatataas na tungkulin sa mga nakabababang kasamahan sa trabaho.
• Layunin ng Memorandum

  1)Magbigay ng mga anunsyo o maglahad ng mga patakaran na kinakailangang mabatid ng lahat.

  2) Paalalahanan ang mga empleyado hinggil sa dati na, kasalukuyan, o bagong usapin o tuntunin sa trabaho

  3) Magbigay ng babala sa isang partikular na sektor o departamento, o kaya sa isang indibidwal na empleyado kung may nagawa silang pagkukulang o kamalian sa trabaho.
• Sa pangkalahatan ginagamit ang memorandum upang mapabilis ang proseso ng pakikipagtalastasan o paghahatid ng impormasyon at kabatiran sa paraang opisyal upang mabigyang pansin, aksyon, at katugunan
• Narito ang iba pang mga DAHILAN KUNG BAKIT GINAGAMIT O SINUSULAT ANG MEMORANDUM:

  • Magbigay at manghingi ng impormasyon
  • Pagkompirma sa kumbersasyon
  • Pag-aanunsiyo ng mga pagbabago sa pulong
  • Pagbati sa katrabaho
  • Pagbuod ng pulong
  • Pagpapadala ng dokumento
  • Pag-uulat sa pang-araw-araw na Gawain
• LETTERHEAD - Naglalaman ito ng pangalan ng samahan at kung saan nagmula ang memo
• ULO (HEADING) - Ito ay binubuo ng pangalan para sa pagdadalhan at pangalan mula nagpadala, petsa kung kailan isinulat at ipinaskil ang memo at paksa o pinag-uusapang impormasyon.
• KATAWAN (BODY) – Dito inilalagay ang panimula at ang buod ng pinakamensahe ng memo.
• KONKLUSYON - naglalaman ng pahabol na mensahe o impormasyon
• Pag-isipan kung ano ang prayoridad at ang mga pinahahalagahan ng mga taong babasa nito.
• Paghandaan ang mga posibleng katugunan ng mga mambabasa kaya suriing mabuti ang nilalaman ng memo at ihanda ang mga halimbawa, ebidensya, o anumang impormasyong makatutulong para mahikayat sila.
• Ang WIKA gagamitin ay dapat na TUWID at SIMPLE
• Gumamit ng mga PARIRALA NG BABALA. Kapag nais mong magbanggit ng isang patunay o isang mapagkukunan siguraduhing gumamit ng wika na nagpapaalam sa mambabasa ng iyong ginawa.
• Piliin ang naangkop at simpleng font upang madaling mabasa. IWASAN ANG PAGGAMIT NG FONT NA NAPAKALIIT. Ang FONT SIZE na 11 at 12 ay pamantayan.
• Gumamit ng MARGIN na 2.54 cm na siyang ginagamit sa propesyonal na memo
• Gumamit ng SOLONG SPACING. Kadalasan ang mga memo ay HINDI NAKA-DOUBLE SPACE.
• Lagyan ng angkop na pamagat ang iyong memo.
• Gumamit ng naaangkop na mga pangalan para sa tatanggap. Mainam na ISULAT ANG BUONG PANGALAN.
• HUWAG LAGYAN NG PAGBATI
• Gawing MAIGSI ang memo. Ang isang propesyonal na memo ay HINDI DAPAT LUMAGPAS SA DALAWANG PAHINA
• Isama ang isang KONKLUSYON
• Lagyan ng BUONG PANGALAN at LAGDAAN pagtatapos ang memo
• REPASUHIN NANG MABUTI ang memo bago ipadala sa kinauukulan